હૈદરાબાદના રાજીવ ગાંધી ઇન્ટરનેશનલ મેદાનમાં રમાયેલ ઇન્ડિયન પ્રિમિયમ લીગ (IPL)ની 8મી મેચમાં રાજસ્થાન રોયલ્સે આપેલ 198 રનના લક્ષ્યાંકનો પીછો કરવા ઉતરેલી સનરાઇઝર્સ હૈદરાબાદે 5 વિકેટે આ મેચ જીતી લીધી છે.
જોની બેયરસ્ટો (45) અને વિજય શંકર (35)રનની શાનદાર ઇનિંગ્સના સહારે હૈદરાબાદે સંજૂ સેમસન (અણનમ 102)ની સદી પર પાણી ફેરવતાં આઇપીએલ સીઝન 12ની 8મી મેચમાં શુક્રવારે રાજસ્થાન રોયલ્સને 5 વિકેટે પરાજય આપ્યો. હૈદરાબાદની આ પ્રથમ જીત છે, જ્યારે રાજસ્થાનની આ સતત બીજી હાર છે.
રાજસ્થાને ટોસ જીતીને પ્રથમ બેટિંગ કરતાં બે વિકેટના નુકસાન પર 198 રનનો વિશાળ સ્કોર બનાવ્યો હતો જેને હૈદરાબાદની ટીમે 19 ઓવરમાં 5 વિકેટના નુકસાન પર પુરો કરી દીધો. જોની બેયરસ્ટો અને ડેવિડ વોર્ને હૈદરાબાદ માટે શાનદાર શરૂઆ કરી હતી. બંનેએ 9 ઓવરમાં ટીમનો સ્કોર 100 પર પહોંચાડી દીધો હતો.
પૂર્વ ચેમ્પિયન હૈદરાબાદને જીત માટે અંતિમ 24 બોલમાં 30 રન બનાવાના હતા. હૈદરાબાદની ટીમે 19 ઓવરમાં જ પાંચ વિકેટના નુકસાન પર લક્ષ્યાંક હાંસલ કરી દીધો. આ મેદાન પર રાજસ્થાન વિરુધ્ધ હૈદરાબાદની ત્રણે મેચોમાં આ ત્રીજી જીત હતી.