વેસ્ટ ઇન્ડિઝનો ધુંરધર ઑલરાઉન્ડર આન્દ્રે રસેલ રૉયલ ચેલેન્જર્સ બેંગ્લોર વિરુદ્ધ તોફાની બેટિંગ કરી અને પોતાની ટીમ કોલકાતા નાઇટ રાઇડર્સને પાંચ વિકેટ જીત અપાવવામાં મહત્વનો ફાળો આપ્યો. રસેલની આ ઇનિંગ્સ પછી ટીમનો કો-ઑનર અને બોલિવુડ સ્ટાર શાહરૂખન ખાને તેના ખૂબ જ વખાણ કર્યા. શાહરૂખે રસેલની 'બાહુબલી' સ્ટાઇલની એક ફોટો ટ્વિટર એકાઉન્ટ શૅર કરી.
રસેલને માત્ર 13 બૉલમાં 48* રન કર્યા અને RCB તરફથી મળેલા 206 રનના ટાર્ગેટને વામણો સાબિત કરી દીધો. પૂર્વ ચેમ્પિયન KKRએ 5 વિકેટે RCBને હરાવી અને IPL-12માં પોતાની ત્રીજી જીત નોંધાવી.બેંગ્લોરે 3 વિકેટે 205 રન બનાવ્યા હતા જેના પછી કોલકાતા 19.1 ઓવરમાં 5 વિકેટ ગુમાવીને 206 રન કરીને મેચ જીતી લીધી.
શાહરુખે ટ્વીટ કરતા લખ્યું – KKR ટીમ, બહુ સારું રમ્યાં તમે. ક્રિસ લિન, નીતિશ રાણા અને રૉબિન ઉથપ્પા. ટીમના દરેક ખેલાડીએ શાનદાર પ્રદર્શન કર્યુ પણ તમે બધા સહમત હશો કે, આ તસવીરથી વધુ કોઈ શબ્દો હોઈ શકે નહીં કે, આ તસવીરથી વધુ કોઇ શબ્દો હોઇ શકે નહી.
‘બાહુબલી’ ફિલ્મના ટ્વીટર એકાઉન્ટ પરથી શાહરુખની ટ્વીટને રિટ્વટ કરતા લખ્યુ- શાનદાર રમત કેકેઆર ટીમ, જય માહિષ્મતી, પોતાના જોશને આ જ રીતે જાળવી રાખો. શાહરૂખે રસેલને ચેમ્પિયન અને મસલમેન પણ કહ્યો.
KKRએ સીઝનમાં પોતાની ત્રીજી જીત નોંધાવી અને આની સાથે જ હવે તેના 6 પોઇન્ટ્સ થઇ ગયા છે. અગાઉ RCBએ કેપ્ટન વિરાટ કોહલીના 84 અને એબી ડિ વિલિયર્સના 63 રનની મદદથી 20 ઓવરમાં 3 વિકેટ 205 રન બનાવ્યા હતા જેને KKRએ 5 બોલ બાકી રહેતા જ પાર કરી દીધા હતા.