IPL / વિરાટની ટીમને સપોર્ટ કરતી જોવા મળી આ 'મિસ્ટ્રી ગર્લ'

સોશ્યલ મીડિયા દ્વારા લોકોને સ્ટાર બનતા તમે અનેકવખત જોયા હશે. જોકે હવે ઇન્ડિયન પ્રીમિયર લીગ (IPL)ની સ્ટેડિયમમાં મેચ જોતા પણ લોકો ફેમસ થઇ જાય છે. ગઇ IPLમાં જે રીતે દીપક ચહરની બહેન માલતી ચહરની ફોટો પર લોકો ઘાયલ થયા હતા, આવું જ કંઇક આ સિઝનમાં થઇ રહ્યુ છે. IPLની હાલમી સિઝનમાં ફરી એક યુવતી મિસ્ટ્રી ગર્લ બનીને સોશ્યલ મીડિયામાં છવાઇ છે. 

એવો દાવો કરવામાં આવી રહ્યો છે કે ,વાયરલ થયેલી યુવતીને નામ દીપિકા ઘોષ છે. ઓળખ જાહેર થયા પછી દીપિકા રાતોરાત સ્ટાર બની છે. સોશ્યલ મીડિયા પર થોડા જ કલાકોમાં તેના ફૉલોઅર્સની સંખ્યાં હજારોમાં પહોંચી ગઇ છે. 

મિસ્ટ્રી ગર્લની આ ફોટોઝ સોશ્યલ મીડિયા પર વાયરલ થઇ રહી છે. મિસ્ટ્રી ગર્લ દીપિકા વિરાટ કોહલીની ટીમ રોયલ ચેલેન્જર્સ બેંગ્લોરની ફેન  છે. તેની વાયરલ થયેલી ફોટો શનિવારની મેચની છે. આ બેંગ્લોર અને સનરાઇઝર્સ હૈદરાબાદ વચ્ચે રમાઇ હતી. જેમાં વિરાટની ટીમે ચાર વિકેટથી જીત દાખલ કરીને સિઝનનો અંત કર્યો હતો. 

આ પહેલા સોશ્યલ મીડિયા પર તેના પર અનેક કમેન્ટ્સ આવી રહી હતી. લોકો તેને દરેક મેચમાં બોલાવવાની માંગણી કરી રહ્યા હતા, લોકો ફોટો માટે કેમેરામેનના વખાણ કર્યા હતા. 

ઉલ્લેખનીય છે કે, જૂની ફોટો જોવામાં આવે તો જેની પર લાઇક્સની સંખ્યા 300 હતી, જે વાયરલ થયા પછી શરૂઆતની આ ફોટોઝની લાઇક્સ હજારો સુધી પહોંચી છે.