IPL / કુલદીપે એવો રેકોર્ડ બનાવ્યો કે વર્લ્ડ કપ પહેલાં ભારતની ચિંતા વધી જશે

ચાઇનામેન બોલર કુલદીપ યાદવે શુક્રવારની રાતે  એક એવો અણછાજતો રેકોર્ડ બનાવ્યો જેને કદાચ દુનિયાનો કોઇપણ બોલર તોડી નહીં શકે.  ઇન્ડીયન ટી-20 લીગની શ્વાસ થંભાવી દેતા મુકાબલામાં કલકત્તાનો આ મિસ્ટ્રી સ્પિનર એટલો ધોવાયો કે તે આઇપીએલના ઇતિહાસમાં સૌથી વધુ રન આપનાર ભારતીય બોલર બની ગયો છે.
 

Moeen Ali mauls Kuldeep for 26 in one over https://t.co/yhSqAAa7mQ via @ipl

— bishwa mohan mishra (@mohanbishwa) April 20, 2019

ઘટના જાણે એમ બની કે, કોલકત્તાના ઇડન ગાર્ડનમાં રમાયેલ IPL ના 35 મા મુકાબલામાં યજમાન ટીમે ટૉસ જીતીને બેંગલોરને બેટિંગ આપી. આ મેચમાં કોલકત્તા તરફથી રમી રહેલા યુવા સ્પિન બોલર કુલદીપ યાદવે પોતાની 4 ઓવરમાં 59 રન ખર્ચી દીધા. આ સાથે જ આ ખેલાડી આઇપીએલમાં ભારત તરફથી સૌથી મોંઘો સ્પિનર સાબિત થયો.

કુલદીપ યાદવે 59 રન ખર્ચીને કર્ણ શર્માનો રેકોર્ડ તોડ્યો હતો. જેણે 2016માં 57 રન આપ્યા હતા. જો કે, ઇમરાન તાહિરે વર્ષ 2016માં દિલ્હી તરફથી રમત રમી હતી તેણે મુંબઇ ઇન્ડિયન વિરૂદ્ધ 59 રન આપ્યા જે આઇપીએલના તમામ મેચમાં સર્વપ્રથમ રહ્યા છે. રવિન્દ્ર જાડેજાએ વર્ષ 2017માં 59 રન આપ્યા હતા.
 
આપને જણાવી દઇએ કે, કુલદીપ યાદવે 50 રન તો ચોગ્ગા-છગ્ગામાં જ આપી દીધા હતા. કુલદીપને વિરાટ કોહલીએ પણ ધોઇ નાંખ્યો. 16મી ઓવરમાં મોઇન અલીએ 4,6,4,6,વાઇડ 6ના રૂપમાં 27 રન આપ્યાં. જો કે છેલ્લા બોલમાં મોઇન અલીની વિકેટ મળવામાં સફળતા પ્રાપ્ત થઇ હતી.