દેશમાં લોકસભા અને IPLની ગરમાગરમી એક સાથે શરૂ થઇ હતી. દેશવાસીઓએ લોકસભાની ચૂંટણીની પરિણામની રાહ જોવી પડશે, જ્યારે IPL 12ની સિઝનમાં બાદશાહ કોણ બનશે તેનો નિર્ણય આજે આવી જશે.
ચેન્નાઇ સુપર કિંગ્સ 8મી વખત ફાઇનલમાં પહોંચ્યુ છે તો મુંબઇ 4થી વખત ફાઇનલમાં આવ્યુ છે. બંનેએ ફાઇનલમાં 3 વખત જીત મેળવી છે. હવે જોવાનું એ છે કે, ચોથી વખત મેચ પર કોણ કબ્જો મેળવે છે.
પંડ્યા બ્રધર્સનો મહત્વનો રોલ:
T20 ક્રિક્ટમાં ઓલરાઉન્ડરની ભૂમિકા ભજવનારા ખેલાડીઓની મહત્વની ભૂમિકા હોય છે. આ મામલે મુંબિ ઇન્ડિયન્સ આગળ છે. મુંબઇ પાસે પંડ્યા બ્રધર્સ છે. મુંબઇમાં હાર્દિક ( 386 રન, 14 વિકેટ) જ્યારે ક્રૂણાલના (176 રન, 11 વિકેટ) સાથે વિસ્ફોટક કાયરન પોલાર્ડ (238 રન, 0 વિકેટ) પણ છે. ખાસ કરીને પંડ્યા બ્રધર્સે પોતાના ઓલરાઉન્ડર પ્રદર્શનથી વિરોધીઓને હંફાવ્યા છે. પોલાર્ડની બોલિંગનો વધારે ચાન્સ નથી મળ્યો. બીજી તરફ ચેન્નાઇમાં રવિન્દ્ર જાડેજા (101 રન, 15 વિકેટ) છે ડ્વેન બ્રાવો (65 રન, 11 વિકેટ)ને બેટથી વધારે પ્રદર્શનની તક મળી નથી.
ફિરકીમાં ફસાવશે સુપર કિંગ્સ:
મુંબઈની મજબૂતી તેના ફાસ્ટ બોલર્સ છે તો ચેન્નાઈ પાસે ઈમરાન તાહિર (16 મેચ- 24 વિકેટ), હરભજન સિંહ (10 મેચ, 16 વિકેટ) અને રવિન્દ્ર જાડેજા (15 મેચ, 15 વિકેટ) જેવા ફિરકીબાજો છે, જે મુંબઈના ખેલાડીઓને આંગળી પર નાચવી શકે છે. આ ત્રણે બોલરોએ વિકેટ અપાવવાની સાથે સાથે રન રોકવાની તકાત પણ છે. જોકે ચેન્નઆઇના બેટ્સમેન માટે જસપ્રીત બુમરાહ (15 મેચ, 17 વિકેટ) અને લસિથ મલિંગા (11 મેચ, 15 વિકેટ)ના યોર્કર સામે રમવુ સરળ નથી. મુંબઇમાં સ્પિન વિભાગના યુવા સ્પિનર રાહુલ ચાહર (12 મેચ, 12 વિકેટ) રહેશે.
ધોની છે તો કંઇ પણ શક્ય છે
ચેન્નાઇ સુપર કિંગ્સના કેપ્ટન મહેન્દ્ર સિંહ ધોનીએ ફરી એકવખત સાબિત કરી દીધુ છે કે, તેને દુનિયાના સારા ફિનિશરોમાં શા માટે ગણવામાં આવે છે. તે શાનદાર ફોર્મમાં છે અને ટીમની તરફથી 14 મેચમાં સૌથી વધારે 414 રન કર્યા છે. ધોનીએ મુશ્કેલ સ્થિતિમાં ટીમમાં સંક્ટમાંથી બહાર કરી છે. ફેન્સ હજુ રોયલ ચેલેન્જર્સ બેંગલોર સામે ધોનીએ રમેલી 84 રનની ઈનિંગ્સ ભૂલ્યા નથી. ભલે ટીમ એ મેચ 1 રનથી હારી હોય પણ બતાવી દીધુ હતુ કે ક્રિઝ પર હોય તો વિરોધીઓ શાંતિથી શ્વાસ પણ લઇ શકતા નથી. ધોનીએ ઘણી વખત સાબિત કર્યા છુ કે શા માટે તેણે સારો ફિનિશર માનવામાં આવે છે.