IPL / IPL: ચોગ્ગા ફટકારવામાં માસ્ટર છે દિલ્હીવાળાઃ શિખર સૌથી આગળ

મુંબઈ ઇન્ડિયન્સના હાર્દિક પંડ્યાએ ગત શનિવારે જ્યારે રાજસ્થાન રોયલ્સ સામે જોફ્રા આર્ચરના બોલ પર ચોગ્ગો ફટકાર્યો ત્યારે તેનું નામ એક માઇલસ્ટોન રેકોર્ડ સાથે જોડાઈ ગયું. અસલમાં એ IPL-2019નો 1000મો ચોગ્ગો હતો. સિઝનની 36 મેચની 71મી ઇનિંગ્સમાં હજાર ચોગ્ગાનો આંકડો પાર થઈ ગયો. ગત સિઝનની સરખામણીએ આ વખતની IPLમાં આ આંકડો ઝડપથી પાર થઈ ગયો. ગત સિઝનમાં 1000 ચોગ્ગા 37 મેચની 74મી ઇનિંગ્સમાં પૂરા થયા હતા.''

 

Gabbar and his boundary hitting abilities! 🙌

Dilliwalon, how many more fours will he hit today?#DCvKXIP #ThisIsNewDelhi #DelhiCapitals @SDhawan25 pic.twitter.com/cccwliaENE

— Delhi Capitals (@DelhiCapitals) April 20, 2019

અત્યાર સુધી કુલ 86 બેટ્સમેનો આ સિઝનમાં ચોગ્ગા ફટકારી ચૂક્યા છે, પરંતુ ચોગ્ગા ફટકારવાની બાબતમાં દિલ્હી કેપિટલ્સે મેદાન માર્યું છે. આનો પુરાવો છે 178 ચોગ્ગા, જે દિલ્હી કેપિટલ્સે અત્યાર સુધી રમેલી 11 મેચમાં ફટકાર્યા છે. એક ટીમ તરફથી સૌથી વધુ ચોગ્ગા ફટકારવાના લિસ્ટમાં દિલ્હી કેપિટલ્સ બધાથી આગળ છે. ત્યાર બાદ મુંબઈ ઇન્ડિયન્સનો નંબર આવે છે, જેણે અત્યાર સુધીમાં રમેલી 10 મેચમાં 150 ચોગ્ગા ફટકાર્યા છે. મુંબઈ તરફથી આ 150 ચોગ્ગામાં સૌથી વધુ યોગદાન દક્ષિણ આફ્રિકાના ક્વિન્ટન ડિકોકનું રહ્યું છે, જેણે અત્યાર સુધીમાં 35 ચોગ્ગા ફટકાર્યા છે.
 

દિલ્હી કેપિટલ્સનો ઓપનર શિખર ચોગ્ગા ફટકારનારા બેટ્સમેનોની યાદીમાં પ્રથમ સ્થાને છે, જેણે ગઈ કાલની રાજસ્થાન રોયલ્સ સામેની મેચ સહિત 50 ચોગ્ગા ફટકાર્યા છે. ત્યાર બાદ સનરાઇઝર્સ હૈદરાબાદના બંને ઓપનર્સનો નંબર આવે છે. બીજા સ્થાને જોની બેરિસ્ટો છે, જેણે 48 ચોગ્ગા ફટકાર્યા છે. ત્રીજા સ્થાને ડેવિડ વોર્નર છે, જેણે 47 ચોગ્ગા ફટકાર્યા છે.

IPLમાં સૌથી વધારે ચોગ્ગા

502- શિખર ધવન

492- ગૌતમ ગંભીર
 

473- સુરેશ રૈના

471- વિરાટ કોહલી

445- ડેવિડ વોર્નર