IPL ની 12મી સિઝનની શરૂઆત થઇ ગઇ છે. ચેન્નાઇ સુપરકિંગ્સે પોતાના હોમ ગ્રાઉન્ડ એમ એ ચિદમ્બરમ સ્ટેડિયમ ખાતે રમાયેલી IPL 2019ની પહેલી મેચમાં રોયલ ચેલેન્જર્સ બેંગ્લોરને 7 વિકેટ હારવીને લીગમાં વિજયી પ્રારંભ કર્યો છે. 71 રનના સાધારણ ટાર્ગેટનો પીછો કરતા ચેન્નાઇએ 3 વિકેટ ગુમાવી 17.4 ઓવરમાં જીત મેળવી લીધી હતી. ચેન્નઈ તરફથી અંબાતી રાયુડૂએ સૌથી વધુ 28 બનાવ્યા હતા. સુરેશ રૈનાએ પણ 19 રનનુ યોગદાન આપ્યુ હતુ.
અગાઉ હરભજન સિંહ, ઈમરાન તાહિર અને રવીન્દ્ર જાડેજાની બોલિંગ સામે બેંગ્લોરની ટીમ ફ્લોપ સાબિત થઇ. પાર્થિવ પટેલ સિવાય અન્ય કોઇ બેટ્સમેન ડબલ ફિગર સુધી પહોંચી ના શક્યો. હરભજન અને તાહિર 3-3 જ્યારે રવિન્દ્ર જાડેજાએ 2 અને ડ્વેન બ્રાવોએ 1 વિકેટ મળી હતી.
CSKના કેપ્ટન ધોનીએ ટૉસ જીતીને પ્રથમ ફિલ્ડિંગનો નિર્ણય લીધો જે સાચો સાબિત થયો. ઈનિંગની ચોથી જ ઓવરમાં હરભજને કોહલી (6)ને આઉટ કરી મોટી સફળતા મેળવી, જે પછી છઠ્ઠી ઓવરમાં મોઇન અલી (9) અને આઠમી ઓવરમાં એબી ડિ વિલિયર્સ (9)ને આઉટ કરી તેણે RCBની કમર જ તોડી નાખી. તેના પછી ઈમરાન તાહિર અને રવીન્દ્ર જાડેજાએ મોરચો સંભાળતા સતત વિકેટો ઝડપી. એક છેડેથી પાર્થિવ પટેલ પ્રતિકાર કરતો રહ્યો પણ તે ટીમને વધારે દૂર લઇ શક્યો નહી. અંતે 2.5 ઓવર બાકી રહેતા RCB માત્ર 70 રન પણ સમેટાઈ ગયું.
જણાવી દઈએ કે, ચેન્નઈ સુપરકિંગ્સ ગત વર્ષે IPL ચેમ્પિયન બની હતી. જ્યારે RCB સેમી ફાઇનલમાં જ અટકી ગઇ હતી. ચેન્નઈની ટીમે પોતાના અગાઉના પ્રદર્શનને જાળવી રાખતા ધમાકેદાર શરૂઆત કરી હોવાના સંકેત આપી દીધી છે.