હૈદરાબાદઃ ચેન્નઇ સુપર કિંગ્સે સનરાઇઝર્સ હૈદરાબાદને આઇપીએલ સીઝન 11ના 20માં મુકાબલામાં 4 રનથી હરાવી દીધું છે. ટોસ હારીને પહેલા બેટિંગ કરતા ચેન્નઇ સુપર કિંગ્સની ટીમે 20 ઓવરમાં 3 વિકેટ ગુમાવીને 182 રન બનાવ્યા અને હૈદરાબાદની ટીમને જીત માટે 183 રનનો લક્ષ્યાંક આપ્યો હતો. જવાબમાં હૈદરાબાદ 20 ઓવરમાં 6 વિકેટ ગુમાવીને 178 રન જ બનાવી શકી અને આ મેચ 4 રનથી હારી ગઇ.
દીપક ચાહર(3/15)ની શાનદાર બોલિંગના જોરે ચેન્નઇએ હૈદરાબાદને હરાવી દીધું. ચેન્નઇએ આ સીજનમાં પોતાની પાંચમી મેચમાં ચોથી જીત મેળવી લીધી છે ત્યારે હૈદરાબાદને પાંચમી મેચમાં બીજી હાર મળી છે.
લક્ષ્યનો પીછો કરવા ઉતરેલી હૈદરાબાદે પોતાના કેપ્ટન કેન વિલિયમસન(84)ની શાનદાર બેટિંગના કારણે જીત ના મેળવી શક્યા અને માત્ર ચાર રનથી હારી ગયા. આ ઇનિંગ્સમાં યુસૂફ પઠાને 45 રન બનાવ્યા. ચેન્નઇ માટે ચાહર સિવાય શાર્દુલ ઠાકુર કર્ણ શર્મા અને ડ્વેન બ્રાવોએ એક-એક વિકેટ ઝડપી હતી.