સામાન્ય રીતે લોકો વાતચીતમાં કહેતા હોય છે કે આઇફોન એ આઇફોન છે. એન્ડ્રોઇડ તેની સાથે ક્યાં ટકી શકે છે? તે શા માટે? આ સવાલનો જવાબ બહુ ઓછા લોકો જાણે છે. ચાલો જાણીએ વિગતવાર
એન્ડ્રોઇડ અને આઇફોનને લઈને તફાવત
આઇફોનમાં એપલ પોતાની ઓપરેટીંગ સિસ્ટમ વાપરે છે
એન્ડ્રોઇડ એ એક ઓપન સોર્સ ઓપરેટીંગ સિસ્ટમ છે
સામાન્ય રીતે લોકો વાતચીતમાં કહેતા હોય છે કે આઇફોન એ આઇફોન છે. એન્ડ્રોઇડ તેની સાથે ક્યાં ટકી શકે છે? તે શા માટે? આ સવાલનો જવાબ બહુ ઓછા લોકો જાણે છે. સૌથી પહેલા આઇફોન હાલમાં સ્ટેટસ સિમ્બોલ છે અને એન્ડ્રોઇડ ફોનની સરખામણીમાં પણ ઘણો મોંઘો છે. તો ચાલો સમજીએ કે બંનેમાં શું તફાવત છે અને બંનેની કિંમતમાં આટલો ફરક કેમ છે.
સૌથી મોટો તફાવત ઓપરેટિંગ સિસ્ટમ
આઇફોન અને એન્ડ્રોઇડમાં સૌથી મોટો તફાવત બંનેની ઓપરેટિંગ સિસ્ટમ છે. આઇફોન માત્ર એપલ કંપની દ્વારા બનાવવામાં આવ્યો છે અને તેની ઓપરેટિંગ સિસ્ટમ આઇઓએસ(iOS) છે, જ્યારે એન્ડ્રોઇડ ગૂગલની પ્રોડક્ટ છે. ગૂગલ તેને માત્ર પોતાની પાસે જ રાખતું નથી. તેણે તેની ઓપરેટિંગ સિસ્ટમ વિશ્વભરની કંપનીઓને વેચી દીધી છે.
ઘણી રીતે આઈફોન વધારે સારો
જો આઈફોનની માત્ર એક કંપની છે તો તેનો ફાયદો છે. તેની ઓપરેટિંગ સિસ્ટમમાં કોઈ બગ નથી અને ન તો તેને હેક કરવું સરળ છે. તો બીજી તરફ એન્ડ્રોઈડ બધી મોબાઈલ કંપનીઓ પાસે છે એટલે ફ્રોડ પણ તેને લઈને બહાર આવતા હોય છે. બીજી તરફ એન્ડ્રોઈડ ફોન હેંગ થાય તે સામાન્ય બાબત છે.
એક સ્ટોરમાં જ રીપેર થઇ જશે
જો આઇફોન ખરાબ હોય તો કોઇપણ એપલ સ્ટોર પર આ સર્વિસ સરળતાથી મળી રહે છે, પરંતુ એન્ડ્રોઇડ ફોનમાં કોઇ સમસ્યા હોય તો તેને સંબંધિત કંપનીના સ્ટોર પર લઇ જવી પડશે.
આઇફોન અને એન્ડ્રોઇડ ફોનની કિંમતમાં કેમ છે તફાવત
સામાન્ય બેટરી બેકઅપ હોવા છતાં આઇફોન એક અનોખી બ્રાન્ડ બની રહે છે. દરેક ફોનમાં તેનું ફિચર અને લુક લગભગ એક સરખો જ હોય છે. આ હોવા છતાં, તેની ઓપરેટિંગ સિસ્ટમ અને વધુ સારી સલામતી સિસ્ટમને કારણે, તે એન્ડ્રોઇડ કરતા ઘણું આગળ છે. આ જ કારણ છે કે ગ્રાહક એન્ડ્રોઇડ કરતા વધુ મોંઘા આઇફોનની પાછળ દોડે છે.