ટેક્નોલોજી / iPhone 16 બાદ હવે આવી રહ્યાં છે M4 MacBooks, મળશે આ ધમાકેદાર ફીચર

Apple કંપનીએ આ વર્ષની તેની સૌથી મોટી ઇવેન્ટમાં iPhone 16 સિરીઝ લૉન્ચ કરી છે. જો કે હવે કંપની આગામી ઇવેન્ટ પર કામ કરી રહી છે. આ વખતે Appleની લેટેસ્ટ અને સૌથી પાવરફુલ M4 ચિપ્સ આધારિત MacBook આવી રહી છે. મળતી માહિતી મુજબ કંપની આગામી સપ્તાહોમાં યોજાનારી ઇવેન્ટમાં આ નવા મેકબુક્સને રજૂ કરવાની તૈયારી કરી રહી છે.

એક રિપોર્ટમાં આપેલી માહિતીના આધારે Apple તેની M4 ચિપ સાથે તેની નવી મેક લાઇનઅપ રજૂ કરવા માટે તૈયાર છે, જે ઝડપી પ્રોસેસિંગ અને શાનદાર સુવિધાઓ સાથે લોન્ચ કરવામાં આવશે. Appleની નવી ઇન-હાઉસ M4 ચિપ તેના M2 કરતા 1.5 ગણી ઝડપી હશે, CPU પ્રદર્શનની દ્રષ્ટિએ અને તે વીડિયો એડિટિંગ, 3D ડિઝાઇન વગેરે જેવા કાર્યો માટે ચાર ગણી રેન્ડરિંગ પાવર સાથે કામ કરશે.

નવી ઓટોમેશન સુવિધાઓ સાથે થશે લોન્ચ

આઇફોન 16 સિરીઝની જેમ જે આર્ટિફિશિયલ ઇન્ટેલિજન્સ કાર્યોને હેન્ડલ કરવા માટે A18 ચિપ સાથે રજૂ કરવામાં આવી છે, નવી MacBookમાં M4 ચિપમાં Apple Intelligence પણ દર્શાવવામાં આવી શકે છે. આ AI અનુભવને વધારવામાં ઘણી મદદ કરશે. જો કે મેકબુક્સ પર AI સુવિધાઓ કેવી રીતે કામ કરશે તે અંગે હજુ સુધી કોઈ માહિતી જાહેર કરવામાં આવી નથી, તે Appleના Mac ઇકોસિસ્ટમમાં નવી ઓટોમેશન સુવિધાઓ, વ્યક્તિગત સૂચનો અને શાનદાર સિસ્ટમ મેનેજમેન્ટ રજૂ કરે તેવી અપેક્ષા છે.

વધુ વાંચો : 5 કોલ આવે તો ચેતી જજો નહીંતર બેન્ક ખાતું થઈ જશે ખાલી, આ ભૂલ ભારે પડશે

J604 એ M4 ચિપ સાથેનો એક નવો લો-એન્ડ 14-ઇંચનો MacBook Pro હશે જે વધુ સસ્તું પેકેજમાં શક્તિશાળી પ્રદર્શન ઇચ્છતા વપરાશકર્તાઓ માટે ડિઝાઇન કરવામાં આવશે. J614 અને J616 મોડલ પ્રો-લેવલ M4 ચિપ વિકલ્પ સાથે હાઇ-એન્ડ 14-ઇંચ અને 16-ઇંચ MacBook Pro હશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ