એપલે આજે નવો આઇફોન રજૂ કર્યો છે. કંપનીએ એક શાનદાર ઈવેન્ટમાં Apple iPhone 13,નવું iPad, iPad Mini અને Apple Watch-7 પણ લોન્ચ કર્યા હતા.
Apple iPhone 13 લોન્ચ
ત્રણ વેરિએન્ટમાં કંપનીએ મોબાઈલ કર્યો લોન્ચ
સાથે નવું iPad, iPad Mini અને Apple Watch-7 પણ કર્યા લોન્ચ
એપલના સીઇઓ ટિમ કૂકે એપલ ટીવી પ્લસથી કાર્યક્રમની શરૂઆત કરી હતી. જ્યાંથી તેમણે નવું iPad અને iPad મીની લોન્ચ કર્યા હતા.
ડિઝાઈનમાં કોઈ ફેરફાર નહીં
જણાવી દઇએ કે, કંપની દ્વારા લોન્ચ કરવામાં આવેલ iPhone 13માં ડિઝાઈનમાં કોઈપણ પ્રકારનો ફેરફાર કરવામાં આવ્યો નથી. તો પ્રોસેસર નવું અને ડિસ્પ્લે બ્રાઈટનેશ પહેલા કરતા વધું આપવામાં આવી છે. આ સાથે જ સિનોમૈટિક મોડ પણ નવા આઈફોનમાં આપવામાં આવેલી છે.
કિંમત
iPhone 13 128GB વેરિએન્ટથી શરૂ કરીને ત્રણ વેરિએન્ટમાં લોન્ચ કરવામાં આવ્યો છે જેની કિંમત 799 ડોલર છે. એટલે કે 58 હજાર 800 રૂપિયા સુધીની છે. કંપનીએ આ સાથે જ તેને 256GB અને 512GB વેરિએન્ટમાં પણ તૈયાર કર્યો છે. જ્યારે iPhone મીનીની કિંમત 699 ડોલર રાખવામાં આવેલી છે.
એપલે નવું iPad અને iPad મીની લોન્ચ કર્યું
એપલે આજે નવું આઈપેડ લોન્ચ કર્યું છે. તેમાં 122 ડિગ્રી અલ્ટ્રા-વાઇડ એંગલ સાથે 12MP કેમેરા સેન્સર છે. ફ્રન્ટ કેમેરા પણ નવી સેન્ટર-સ્ટેજ સુવિધા સાથે આવે છે. એપલનું કહેવું છે કે તેને શ્રેષ્ઠ અનુભવ આપવા માટે બનાવવામાં આવ્યું છે. તે ફર્સ્ટ જનરેશનની પેન્સિલને ટેકો આપશે. નવા આઈપેડની કિંમત 329 ડોલર એટલે કે લગભગ 25 હજાર રૂપિયા રાખવામાં આવી છે. તે જ સમયે, કંપનીએ Apple iPad Mini પણ લોન્ચ કર્યું છે, જેની કિંમત $ 499 એટલે કે લગભગ 37 હજાર રૂપિયા છે. આઈપેડ મીનીમાં 8.3 ઈંચની સ્ક્રીન છે, જે ટોચના ભાગમાં ટચ આઈડી બટન સાથે આવે છે. તેના CPU પ્રદર્શનની વાત કરીએ તો તેમાં 40%નો સુધારો થયો છે. તે A13 બાયોનિક ચિપસેટ પર ચાલે છે. તે 5G કનેક્ટિવિટીને પણ સપોર્ટ કરે છે.