ફેસ્ટિવ સિઝનની શરૂઆત જો તમે નવા સ્માર્ટફોનની સાથે કરવા માંગો છો તો એપલ તમારા માટે સારી ઓફર લઇને આવ્યું છે. કંપનીની ખાસ ઓફર હેઠળ એમેઝોન ગ્રેટ ઈન્ડિયન ફેસ્ટિવલ સેલમાં તમે iPhone 11ને 40 હજાર રૂપિયાથી ઓછી કિંમતે ખરીદી શકશો.
એપલ તમારા માટે લાવ્યું છે આકર્ષક ઓફર
આઈફોન 11 ઓછી કિંમતે ખરીદી શકાશે
જાણો, શું છે આઈફોન 11ના ફીચર અને તેની વિશેષતા
એપલે એમેઝોન ઈન્ડિયાના પેજ પર ટીઝ કર્યુ છે કે ગ્રેટ ઈન્ડિયન ફેસ્ટિવલ સેલમાં આઈફોન 11 30,999 રૂપિયાની કિંમતે મળશે. એવામાં હવે નક્કી છે કે ફોનની કિંમત સેલમાં 30,999 રૂપિયાથી લઇને 39,999 રૂપિયાની વચ્ચે રહેશે. જો અત્યારની વાત કરીએ તો ડિસ્કાઉન્ટ વગર આઈફોન 11ના 64જીબી સ્ટોરેજવાળા વેરિએન્ટની કિંમત 49,900 રૂપિયા છે.
આઈફોન 11ના ફીચર અને તેની વિશેષતા
ફોનમાં 828x1792 પિક્સલ રિઝોલ્યુશનની સાથે 6.1 ઈંચની એચડી+ IPS LCD પેનલ આપવામાં આવી છે. આ ડિસ્પ્લે 19.5:9ના આસ્પેક્ટ રેશિયો અને 625 નિટ્સની બ્રાઈટનેસ સાથે આવે છે. ફોનની ડિસ્પ્લેમાં ઉપર વાઈડ નોચ છે. જેમાં ફેસ ID સેટઅપ લગાવ્યું છે. ફોનમાં મેટલ ગ્લાસ બોડી ફિનિશની સાથે પાતળા બેજલ્સ આપવામાં આવ્યાં છે.
આઈફોન 11ની ખાસિયતો
4 જીબી રેમ અને 256 જીબીની ઈન્ટર્નલ સ્ટોરેજથી સજ્જ આ ફોનમાં કંપનીના પ્રોસેસર તરીકે A13 Bionic ચિપસેટ ઓફર કરાઈ રહી છે. ફોટોગ્રાફી માટે ફોનમાં એલઈડી ફ્લેશની સાથે ડ્યુલ રિયર કેમેરા સેટઅપ આપવામાં આવ્યું છે. જેમાં 12 મેગાપિક્સલના પ્રાઈમરી સેન્સરની સાથે એક 12 મેગાપિક્સલનો અલ્ટ્રા-વાઈડ એન્ગલ લેન્સ પણ આપવામાં આવ્યું છે. સેલ્ફી માટે ફોનમાં તમને 12 મેગાપિક્સલનો ફ્રન્ટ કેમેરો મળશે.
ફોનમાં આ મળશે સુવિધા
ફોનને પાવર આપવા માટે તેમાં 3110mAhની બેટરી આપવામાં આવી છે, જે 18 વોટની ફાસ્ટ અને Qi વાયરલેસ ચાર્જિગને સપોર્ટ કરે છે. ઓએસની વાત કરીએ તો આ ફોન iOS 14 પર કામ કરે છે. કનેક્ટિવિટી માટે ફોનમાં તમને વાઈ-ફાઈ 6, બ્લૂટુથ 5.0, જીપીએસ, એનએફસી અને લાઈટર્નિગ પોર્ટ આપવામાં આવ્યું છે.