ન્યૂ લોન્ચ / એપલે લોન્ચ કર્યું નવું iOS-13 અને iPadOS: ટીમ કૂકે આઇટ્યૂન્સ બંધ કરવાની જાહેરાત કરી

એપલની વાર્ષિક વર્લ્ડ વાઇડ ડેવલપમેન્ટ કોન્ફરન્સ wwdc-2019  ભારતીય સમય અનુસાર સોમવારે મોડી રાતે કેલિફોર્નિયાના સેનજોસમાં શરૂ થઇ. ૩ થી ૭ જૂન સુધી ચાલનારી આ પાંચ દિવસીય કોન્ફરન્સના પહેલા દિવસે ટીમ કૂકનું જાણીતું કી-નોટ ભાષણ થયું, તેની સાથે જ એપલના iOS-13 અને iPadOS, એપલ વોચ માટે નવી OS 6  ટીવી માટે OS13 લોન્ચ કરવાની જાહેરાત કરી. વર્ષની આ સૌથી મોટી સોફ્ટવેર ઇવેન્ટમાં એપલના Mac Proનું પણ ડેબ્યૂ કરાયું.

દુનિયાને બદલનારી ટેક્નોલોજીની વાતોની સાથે કૂકે અત્યાર સુધીના સૌથી જાણીતા આઇટ્યૂન્સ પ્લેટફોર્મને બંધ કરવાની અટકળોને પણ યોગ્ય ગણાવી. તેની ટીમે જણાવ્યું કે આઇટ્યૂન્સને ધીમે ધીમે ખતમ કરીને તેની જગ્યાએ ત્રણ નવી એપ આવશે. તેની સાથે જ એપલના તમામ ડિવાઇસ માટે એક જ ઓપરેટિંગ સિસ્ટમ લાવવાની હિન્ટ આપી. તેનું નામ કેટેલીના હશે. તે સપ્ટેમ્બર-ર૦૧૯ની ઇવેન્ટમાં લોન્ચ થઇ શકે છે.

ટીમ કૂકે જણાવ્યું કે નવી iOS અત્યાર સુધીની સૌથી પાવરફુલ ઓપરેટિંગ સિસ્ટમ છે, જેમાં બેગણી ઝડપથી એપ ઓપન થશે. સાથે-સાથે સ્પેસ આઇડીથી ફોનને અનલોક કરવાનું ૩૦ ટકા વધુ ઝડપી બનશે. આ વખતે તેમાં ડાર્ક મોડ, કેમેરા ટૂલનું ફીચર જોડી દેવાયું છે.