ટેક્નોલોજી / iPhoneમાં આવનાર આ નવા ફિચર્સથી એન્ડ્રોઇડ યૂઝર્સને થશે ઇર્ષ્યા

એપલની આઇઓએસ અને ગુગલની નવી મોબાઇલ ઓપરેટિંગ સિસ્ટમ એન્ડ્રોઇડ ક્યુના બીટા વર્ઝન લોન્ચ થયા છે. જો કે એન્ડ્રોઇડ ક્યુ માત્ર ગુગલનાં પીકસલ ફોન અને કેટલીક વન પ્લસ સેવન સહિત કેટલીક કંપનીઓનાં ચોક્કસ મોડલ પર જ ઉપલબ્ધ છે. છેલ્લાં બે-ત્રણ વર્ષમાં એપલ અને ગુગલની ઓપરેટિંગ સિસ્ટમ વધુને વધુ સ્મુધ અને નવા નવા ફિચર્સથી સમૃધ્ધ બની છે. જો કે આઇઓએસ-13માં એપલ કેટલાક એવા ફિચર્સ આપવા જઇ રહ્યું છે જેને જોઇને એન્ડ્રોઇડ યુઝર્સ ઇર્ષ્યા કરી શકે છે.

આઇફોન યુઝર્સને હવે આઇઓએસ-13ના અપડેટ સાથે ઇનબિલ્ટ વીડિયો એડિટીંગની ફેસિલિટી મળશે.જેથી તેના માટે થર્ડ પાર્ટી એપ ડાઉનલોડ કરવાની જરુર નહીં રહે.તેમાં ફિલ્ટર સહિતના ટુલ પણ હશે.અન્ય એક ફિટર કેમેરામાં આવશે.જેમાં ફોટો કલીક કર્યા પછી તેમાં મેન્યુઅલી નોઇસ રિડકશન કરી શકાશે.ખાસ કરીને લો લાઇટમાં પાડેલા ફોટોમાં તે ઉપયોગી સાબિત થશે.

એપલ હવે થર્ડ પાર્ટી એટલે કે ડાઉનલોડ કરેલી એપમાં સાઇન ઇન વિથ એપલ સિસ્ટમ લાવી રહ્યું છે. અલબત્ત એન્ડ્રોઇડમાં સાઇન ઇન વીથ ગુગલ છે જ.પરંતુ આઇફોનમાં તમે જેટલી વખત એપમાં લોગ ઇન કરશો તેટલી વખત એક રેન્ડમ ઇ-મેલ જનરેટ થશે. તેથી તમારું ઓરિજનલ ઇ-મેલ આઇડી કોઇની પણ સાથે શેર થશે નહીં. એન્ડ્રોઇડમાં ડિજિટલ વેલબીઇંગની જેમ આઇફોનમાં સ્ક્રીન ટાઇમ ફીચર છે. એપલે તેમાં હવે એક સ્ટેપ આગળ વધીને હવે યુઝરને કોઇ પણ એપને ચોક્કસ સમય માટે બ્લોક કરવાની આઝાદી આપશે. આઇઓએસ-13માં હવે તમામ ટેકસ્ટ મેસેજનો બેકઅપ કલાઉડ સર્વરમાં લઇ શકાશે.એપલે તેની મેસેન્જર એપમાં ડાર્ક મોડ પણ આપ્યો છે.