Apple ios 13 beta 7 ની બીટા અપડેટની સિસ્ટમ ઇમેડજથી iPhone 11 ની લૉન્ચ ડેટનો ખુલાસો થયો છે. જો કે આ કેટલું સાચું છે એ સ્પષ્ટ નથી.
એપલનો આગળનો iPhone સપ્ટેમ્બરમાં લૉન્ચ થઇ શકે છે. રિપોર્ટ પ્રમાણે 10 સપ્ટેમ્બરે iPhone 11 લૉન્ચ કરવામાં આવશે. કંપનીએ iOS 13 નો સાતમો Beta જારી કરી દીધો છે અને એના પરથી હિંટ મળી છે કે આવતા મહિને કંપની નવા આઇફોન લૉન્ચ કરી શકે છે.
વાસ્તવમાં iOS 13ના કોડમાં એક ઇમેજ છે. જેમાં iOS સ્ક્રીનશૉટ છે અને અહીંયા ડેટ લખી છે Tuesday, September 10.
અહીંયા asset’s name ની જગ્યાએ HoldForRelease જોવા મળી રહ્યું છે. હવે એનાથી એવી આશા વ્યક્ત કરવામાં આવી રહી છે કે આ વખતે 12 સપ્ટેમ્બરની જગ્યાએ કંપની 10 સપ્ટેમ્બરે જ Apple Event નું આયોજન કરી શકે છે.
નોંધનીય છે કે ગત વર્ષે 12 સપ્ટેમ્બરે Apple Special Event આયોજિત કરવામાં આવી હતી અને એ દરમિયાન કંપનીએ નવા iPhone લૉન્ચ કર્યા હતા. આ વખતે કંપની ત્રણ નવા iPhone લૉન્ચ કરી શકે છે કે આ રિપોર્ટ ઘણા સમય પહેલાનો છે.
ડિઝાઇન પણ લીક થઇ ગઇ છે. રિયર પેનલ પર ત્રણ કેમેરા જોઇ શકાય છે એટલા કે આ વખત નવા આઇફોનનો કેમેરો ડિપાર્ટમેન્ટ ઘણા ઇમ્પ્રૂવ્ડ હશે. રિપોર્ટ્સ પ્રમાણે આ વખતે પણ કંપની બે આઇફોન મૉડલ્સ OLED પેનલની સાથે લૉન્ચ કરશે, જ્યારે એક મૉડલ LCD પેનલ વાળું હશે અને આ સૌથી સસ્તું હશે.
2019 Apple iPhoneમાં Ap13 Bionic Chip આપવામાં આવશે, ટ્રિપલ રિયર કેમેરા હશે, હેડફોન જેક ફરીથી હશે નહીં. 3D ટચને નવા ટેપ્ટિક એન્જીનથી રિપ્લેસ કરી શકાય છે. કેટલાક રિપોર્ટ્સમાં એવું પણ કહેવામાં આવ્યું છે કે આ વખતે કંપની ડિસ્પ્લેથી નૉચ હટાવી શકે છે. જો કે એની આશા ઓછી છે.
કિંમતની વાત કરીએ તો રિપોર્ટમાં કહેવામાં આવ્યું છે કે iPhone 11 ની કિંમત 1000 ડૉલર શરૂ થઇ શકે છે. એક સસ્તો iPhone આવાવની શક્યતા છે, પરંતુ એનું નામ શું હશે એ સ્પષ્ટ નથી. હાલ ભારતમાં iPhone XR સૌથી ઓછી કિંમત વાળો નવો આઇફોન છે જે 60,000 રૂપિયાની શરૂઆતી કિંમતની સાથે મળી રહ્યો છે.