કોરોના મહામારીને કારણે ટોકિયોમાં આ વર્ષે યોજાનાર ઓલમ્પિકને એક વર્ષ માટે સ્થગિત કરી દેવામાં આવી છે. આગામી વર્ષે પણ ઓલમ્પિક યોજાવા પર સંકટનાં વાદળો છવાયેલાં છે. ઇન્ટરનેશનલ ઓલમ્પિક કમિટી (આઇઓસી) સાથે જોડાયેલા એક અધિકારીએ કહ્યું છે કે "ટોકિયો ઓલિમ્પિક જો ૨૦૨૧માં નક્કી કરેલી તારીખ પ્રમાણે નહીં યોજાય તો તેને રદ કરી દેવામાં આવશે. ૨૪ જુલાઈથી ૯ ઓગસ્ટ-૨૦૨૦ વચ્ચે રમતોનો આ મહાકુંભ યોજાવાનો હતો. હવે તેનું આયોજન ૨૩ જુલાઈથી ૮ ઓગસ્ટ-૨૦૨૧ વચ્ચે થવાનું છે".
ઓલમ્પિક મુદ્દે મહત્વનો નિર્ણય
એક વર્ષ પાછળ ધકેલાઇ ઓલમ્પિક
IOCની કો-ઓર્ડીનેશન કમિટીના ચેરમેન પિએરે ઓલિવર બેકર્સ-વિયુજાન્ટ ઓલિવરે જણાવ્યું, ''અમને આશા છે કે રમતોત્સસવ આગામી વર્ષે ૨૩ જુલાઈથી શરૂ થઈ જશે. આવા સ્તરની ટૂર્નામેન્ટને એકથી વધુ વાર સ્થગિત કરવી અસંભવ છે. હાલ બધા ઇચ્છી રહ્યા છે કે ઓલમ્પિક ૨૩ જુલાઈ, ૨૦૨૧થી શરૂ થાય. આવા મોટા પ્રોજેક્ટને વારંવાર સ્થગિત કરવો મુશ્કેલ છે, કારણ કે આમાં ઘણો મોટો ખર્ચ થાય છે અને અસંખ્ય લોકો આની સાથે જોડાયેલા હોય છે.''
અગાઉ આ જ વાત IOCના અધ્યક્ષ થોમસ બાક પણ કહી ચૂક્યા છે કે જો ઓલમ્પિક ૨૦૨૧માં ૨૩ જુલાઈથી શરૂ નહીં થાય તો તેના આયોજન માટે નવો કોઈ જ પ્લાન નથી.