સ્વાસ્થ્ય સંબંધિત સમસ્યાઓમાંથી કોઈ બાકાત નથી. ભારતીય પૂર્વ ક્રિકેટ કેપ્ટન સૌરવ ગાંગુલી બાદ હવે તેના સમકાલીન પાકિસ્તાની કેપ્ટનને પણ હાર્ટ અટેક આવ્યો હતો.
ઇન્ઝમામ ઉલ હકને હાર્ટ અટેક
એન્જિયોપ્લાસ્ટી કરવામાં આવી
ઇનઝમામની ઉંમર 51 વર્ષ છે
પાકિસ્તાનના દિગ્ગજ ખેલાડી અને પૂર્વ કેપ્ટન ઇન્ઝમામ ઉલ હકને હાર્ટ અટેક આવ્યા બાદ હોસ્પિટલમાં એડમિટ કરવમાં આવ્યો હતો.
એન્જિયોપ્લાસ્ટી કરવાંમાં આવી
પૂર્વ કેપ્ટન ઇનઝમામ ઉલ હકને હોસ્પિટલમાં દાખલ કરાયા બાદ તેની એન્જિયોપ્લાસ્ટી કરવામાં આવી હતી. હાલ તેની સ્થિતિ સ્થિર હોવાનું માલૂમ પડ્યું હતું. ડોક્ટર્સ તેના પર પૂરું ધ્યાન રાખી રહ્યા છે અને હવે કંટ્રોલમાં સ્થિતિ આવી ગઈ હોવાના સમાચાર છે.
51 વર્ષની ઉંમર
ઇનઝમામની ઉંમર 51 વર્ષ છે અને તેની ગણના પાકિસ્તાનના સર્વશ્રેષ્ઠ ખેલાડીઓમાં થાય છે. પાક. તરફથી વન ડે ક્રિકેટમાં સૌથી વધુ રન નોંધાવવાની સિદ્ધિ તેના નામે છે. ઇન્ઝમામ કૂલ 375 મેચમાં 11 701 રન નોંધાવી ચૂક્યો છે.
ઘણા બધા ખેલાડીઓએ કરી પ્રાર્થના
સમાચાર સામે આવ્યા બાદ ઘણા બધા વર્તમાન અને પૂર્વ પાકિસ્તાની ખેલાડીઓ એ ટ્વિટ કરીને ઇનઝમામના સારા સ્વાસ્થ્યની દુઆ કરી હતી.
Prayers for the quick recovery of our legend and pride of Pakistan Syed Inzamam ul Haq. May Allah SWT give you complete shifa. @Inzamam08#InzamamUlHaq
ઉલ્લેખનીય છે કે ક્રિકેટર્સમાં હાર્ટ અટેકના કેસ જોવા મળી રહ્યા છે ભારતમાં પણ અગાઉ BCCI અધ્યક્ષ સૌરવ ગાંગુલીની કોલકાતાની વુડલૅન્ડ્સ હોસ્પિટલમાં ઍન્જિયોપ્લાસ્ટી કરાવવામાં આવી હતી. હવે તેમની ફરી એક વખત તબિયત લથડતા વુડલૅન્ડ્સ હોસ્પિટલે કહ્યું છે કે સૌરવ ગાંગુલીને ધમનીઓમાં પરીક્ષણ કરવાનું છે. જેથી તેમને હવે અપોલો હોસ્પિટલમાં દાખલ કરાયા છે.