INX મીડિયા કેસ / મોબાઈલ સ્વીચ ઓફ કર્યો અને ડ્રાઈવરને રસ્તા વચ્ચે ઉતારી દઈ ચિદમ્બરમ રાતે જ રફુચક્કર થઈ ગયા

મંગળવારનાં રોજ અત્યાર સુધી પી.ચિદંબરમ (P chidambaram) ની શોધખોળ શરૂ છે ત્યારે તપાસ એજન્સીઓએ પણ તમામ વેપારીઓનાં ઘરની તપાસ કરી હતી. દિલ્હી-એનસીઆરની એક ડઝનથી પણ વધારે જગ્યાઓ પર દરોડાં પાડવામાં આવ્યાં પરંતુ હજી સુધી પી. ચિદંબરમને તપાસ એજન્સીઓ શોધી નથી શકી.

સૂત્રોનું જો માનીએ તો સુપ્રીમ કોર્ટમાં પી. ચિદંબરમ તરફથી જે અરજી દાખલ કરવામાં આવી છે, તેમાં કેટલીક ખામી છે. એવામાં ખોટી અરજીને CJIની સામે લિસ્ટ નથી કરવામાં આવી રહી. હવે પી. ચિદંબરમનાં વકીલ આ ખામીને દૂર કરવામાં લાગ્યાં છે જેથી સુનાવણીમાં કોઇ પ્રકારની મુશ્કેલી ના આવે.

દેશનાં તમામ એરપોર્ટને પી. ચિદંબરમ પર રજૂ કરવામાં આવેલ લુકઆઉટ સર્ક્યુલરની જાણકારી આપવામાં આવી છે. જો પી. ચિદંબરમ દેશથી બહાર જવાની કોશિશ કરશે તો તેમને બહાર જવાની પરવાનગી નથી. તમને જણાવી દઇએ કે પી. ચિદંબરમ પર INX મીડિયાને ફૉરેન ઇન્વેસ્ટમેન્ટ પ્રોમોશન બોર્ડથી ગેરકાયદેસર રૂપથી સ્વીકૃતિ અપાવવા માટે લાંચ લેવાનો આરોપ છે.

આ કેસમાં અત્યાર સુધી પી. ચિદંબરમને કોર્ટથી અંદાજે બે ડઝન વાર અંતરિમ પ્રોટેક્શન એટલે કે ધરપકડ પર પ્રતિબંધની રાહત મળી છે. આ મામલો 2007નો છે કે જ્યાં પી. ચિદંબરમ દેશનાં નાણાંમંત્રીનાં પદ પર હતાં. આ મામલામાં પી. ચિદંબરમની નજીકનાં લોકોનું માનીએ તો 2017 સુધી આ મામલામાં FIR દાખલ નથી કરવામાં આવી. પી. ચિદંબરમ સિવાય કાર્તિ પી. ચિદંબરમે પણ એજન્સીઓને તપાસમાં સહયોગ કર્યો છે.