INX મીડિયા મામલામાં પૂર્વ કેન્દ્રીય વિત્તમંત્રી પી.ચિદંબરમ આરોપી સાબિત થયા છે.
આ મામલામાં બધુવારે CBI એ પી.ચિદંબરમ ની ધરપકડ કરી અને પછી ગુરુવારે દિલ્હીની રાઉઝ એવન્યુ કોર્ટમાં રજૂ કર્યા. જ્યાં કોર્ટે આ મામલામાં CBI અને પી.ચિદંબરમની દલીલ સાંભળી. આ પછી કોર્ટે પી.ચિદંબરમને પાંચ દિવસની CBI કસ્ટડી આપવામાં આવી છે. હવે સવાલો થઇ રહ્યા છે કે, CBI એ પી.ચિદંબરમની વિરુદ્ઘ કયા કાયદા અને કઇ કલમની હેઠળ આરોપી બનાવ્યા છે? અને આ પાછળ કેટલી સજા થશે?
આ કલમ હેઠળ થયા આરોપી:
INX મીડિયા મામલામાં CBI એ પી.ચિદંબરમને પ્રિવેન્શન ઑફ કરપ્શન એક્ટર 1988ની કલમ 8, તેમજ 13 (2) ની સાથે थ 13 (1) (D) અને ભારતીય દંડ સંહિતા (IPC) ની કલમ 120B ની સાથે 420 હેઠળ આરોપી છે. પ્રિવેન્શન ઑફ કરપ્શન એક્ટરની કલમ 8 હેઠળ પૈસા લઇને લોકસેવક પર ભષ્ટ્ર અને ગેરકાયદાસર સાધનો દ્વારા હેરાન કરવાના મામલામાં માટે આરોપી બનાવાયા છે. આ હેઠળ 6 મહિનાથી 5 વર્ષ સુધીની સજા અને દંડની જોગવાઇ છે.
પ્રિવેન્શન ઑફ કરપ્શન એક્ટની કલમ 13 (1) (D) હેઠળ પોતાના અથવા તો બીજાના ફાયદા માટે પદનો દુરપયોગ કરવો અને કલમ 13 (2) હેઠળ લોક સેવક પદ પર રહેતા ક્રિમિનલ મિસકન્ડક્ટ માટે 1 થી 7 વર્ષની સજા આપવાની જોગવાઇ છે. આ સાથે જ દંડ પણ ફટકારવામાં આવે છે. આ સિવાય ભારતીય દંડ સંહિતા એટલે કે IPC ની કલમ 420 હેઠળ ખોટી રીતે અને અપ્રામાણિક રીતે સંપત્તિ આપવા માટે ઉશ્કેરવાને ગુનો બનાવવામાં આવ્યો છે. જેના માટે સાત વર્ષની કેદ અને દંડની જોગવાઈ કરવામાં આવી છે.
દોષિત થવા પર કેટલી સજા:
પી.ચિદંબરમ વિરુદ્ઘ કલમ 120B ની સાથે 420 લગાવવામાં આવી છે. કલમ 120B ગુનાહિત કાવતરાનો ઉલ્લેખ કરવામાં આવ્યો છે. જેનો મતલબ એમ થાય છે કે, ચિદંબરમને કલમ 420 હેઠળના ગુનાનુ કાવતરુ રચવા માટે આરોપી બનાવવામાં આવ્યા છે. જો પી.ચિદંબરમ દોષિત સાબિત થાય, તો તેણે 120Bની સાથે 420 કલમ હેઠળ 7 વર્ષની જેલની સજા મળશે.