INX મીડિયા કેસમાં પૂર્વ ગૃહમંત્રી પી ચિદમ્બરમ (P Chidambaram)ને CBIની રાઉઝ કોર્ટે 19 સપ્ટેમ્બર સુધી તિહાર જેલ મોકલવાનો આદેશ કર્યો છે. ચિદમ્બરમને 14 દિવસ તિહાર જેલના સેલ નંબર 7માં રહેવાનું છે. જો કે આ સંદર્ભે ચિદમ્બરમના વકીલ કપીલ સિબ્બલે કોર્ટ સમક્ષ જેલમાં વિશિષ્ટ સુવિધાઓની માંગ કરી હતી જે કોર્ટે ગ્રાહ્ય રાખી છે.
ચિદમ્બરમને વિશિષ્ટ અલગ સેલ(બેરેક) અપાશે. સિબ્બલે માંગ કરી હતી કે ચિદમ્બરમાં ઈન્ડિયન ટોયલેટમાં બેસી ન શકતાં હોવાથી તેમને વેસ્ટર્ન ટોયલેટ પ્રોવાઈડ કરવામાં આવે. આ ઉપરાંત ટીવી અને પુસ્તકો, દવાઓ, ચશ્માં, પલંગ, અલગ બાથરૂમ પણ સાથે રાખી શકશે. આ સાથે જેલમાં ચિદમ્બરમની વિશિષ્ટ સુરક્ષા પણ સાથે જ હશે.
સિબ્બલે માંગ કરી હતી કે ચિદમ્બરમ ઝેડ પ્લસ સિક્યુરીટી પહેલાંથી જ મળેલી છે જે જેલમાં પણ તેમને મળે. આ સાથે સિબ્બલે કહ્યું કે તેઓ બીજા સાથે સેલમાં રહી ના શકે તેટલે અલગ સેલ(બેરેક) મળવો જોઈએ.
સિબ્બલે માંગ કરી હતી કે તેમને જરૂરિયાત મુજબની તમામ દવાઓ તેઓ સાથે રાખી શકે તેવી પરમિશન આપવામાં આવે. આ ઉપરાંત ચિદમ્બરમ વિવિધ સમયે અલગ અલગ પ્રકારના ચશ્માં પહેરતાં હોવાથી તે પણ સાથે રાખવા દેવામાં આવે તેવી માંગ કરી હતી જે કોર્ટે ગ્રાહ્ય રાખી છે.