INX મીડિયા કેસ / પી ચિદમ્બરમને ઝટકો, ઇડીને મળી ધરપકડની મંજૂરી, 30 મિનિટ સુધી કરી શકશે પૂછપરછ

• કોંગ્રેસના વરિષ્ઠ નેતા પી ચિદમ્બરમને દિલ્હી કોર્ટથી ઝટકો
• સ્પેશિયલ કોર્ટે ઇડીને ચિદમ્બરમની ધરપકડ કરવાની મંજૂરી આપી
• ઇડી ચિદમ્બરમની 30 મિનિટ સુધી પૂછપરછ કરી શકે છે

ઇડી કાલે દિલ્હીની તિહાડ જેલમાં ચિદમ્બરમની પૂછપરછ કરશે. કોર્ટે ઇડીની અરજી પર પ્રોડક્શન વોરન્ટ જાહેર કરી ચિદમ્બરમને રજૂ કરવાનો નિર્દેશ આપ્યો હતો. વિશેષ સીબીઆઇ જજ અજય કુમાર કુહારે સોમવારે ઇડી અને બચાવ પક્ષની દલીલો સાંભળ્યા બાદ નિર્ણય મંગળવાર 4 વાગ્યા સુધી સુરક્ષિત રાખ્યો હતો. 

સોલીસીટર જનરલ તુષાર મેહતાએ કોર્ટ સમક્ષ પી ચિદમ્બરમની ધરપકડની મંજૂરી માંગતા કહ્યું હતું કે INX મીડિયા કેસ કાળા નાણાના મનિ લોન્ડ્રિંગનો મામલો સીબીઆઇના કેસથી અલગ છે અને તેમા એમની ધરપકડ કરી પૂછપરછ કરવાની જરૂર છે. 

A Delhi Court allows Enforcement Directorate (ED) to arrest Congress leader P Chidambaram with an option to interrogate him first. https://t.co/PAfVOVK81V

— ANI (@ANI) October 15, 2019

સુપ્રીમ કોર્ટ પણ આ વાત પર પોતાની સહમતિ આપી ચૂક્યું છે. જ્યારે બીજી તરફ ઇડીની અરજીનો વિરોધ કરતા વરિષ્ઠ એડવોકેટ કપિલ સિબ્બલે કહ્યું હતું કે આ તમામ કેસ એક છે અને ઇડીનો કેસ સીબીઆઇની એફઆઇઆર પર આધારિત છે. 

સિબ્બલે કહ્યું હતું, સીબીઆઇ આ કેસમાં તેમની (ચિદમ્બરમની) પૂછપરછ કરી ચૂકી છે. એજન્સીની પૂછપરછ બાદ જ ચિદમ્બરમને કસ્ટડીમાં મોકલવામાં આવ્યા હતા. તેથી ઇડીને રિમાન્ડ ન આપવા જોઇએ.