INX મીડિયા કેસ / જેલમાં ચિદમ્બરમને સવારના નાસ્તામાં જુઓ શું મળ્યું, રોજ આ સુવિધાઓ પણ મળશે

કોર્ટના આદેશ અનુસાર પૂર્વ નાણામંત્રી પી. ચિદમ્બરમને અનેક સુવિધાઓ આપવામાં આવી છે. તેમને જે સુવિધાઓ આપવામાં આવશે તેનું લિસ્ટ આ પ્રમાણેનું છે. પૂર્વ નાણામંત્રી 19 સપ્ટેમ્બર સુધી તિહાડ જેલમાં ન્યાયિક કસ્ટડીમાં રહેશે. પી.ચિદમ્બરમની તિહાડ જેલમાં પહેલી રાત સામાન્ય કેદી જેવી હતી. કોર્ટના આદેશ પર તેમને કેટલીક સુવિધાઓ મળી છે, પરંતુ મોટાભાગની સુવિધાઓ સામાન્ય કેદીની જેમ પૂરી પાડવામાં આવી રહી છે. 

• પહેલી સવારે 7 વાગ્યે નાસ્તામાં ચ્હા, પૌંઆ, દલિયો અને બ્રેડ આપવામાં આવ્યા.
• પૂર્વ નાણાં પ્રધાનને જેલ બેરેક નંબર 7 માં રાખવામાં આવ્યા છે. 
• પી.ચિદમ્બરમને રાઉઝ એવન્યુ કોર્ટના આદેશથી વેસ્ટર્ન  ટોયલેટની સુવિધા આપવામાં આવી છે.
• ચશ્મા અને દવાઓ સાથે લઈ જવાની પરવાનગી કોર્ટમાંથી જ મળી હતી.
• અહીં તેમને જમવામાં દાળ, શાક અને રોટલી અપાશે. 
• ટીવી, ન્યૂઝ પેપર અને બુક્સ સબિત દરેક સુવિધાઓ આપવામાં આવશે જેની કોર્ટે મંજૂરી આપી હશે. 
• જેલના નિયમો અનુસાર એક ઓશીકું, ધાબળો પણ મળ્યો છે.
• પી. ચિદમ્બરમ કોરિડોરમાં, સામાન્ય કેદીઓની જેમ બેરેકની સામેના પરિસરમાં ચાલી શકે છે.

ઉલ્લેખનીય છે કે ચિદમ્બરમ 14 દિવસ એટલે કે 19 સપ્ટેમ્બર સુધી તિહાડ જેલમાં રહેશે અને સાથે જ 16 સપ્ટેમ્બરે તેમનો જન્મદિવસ પણ તેઓ અહીં જેલમાં જ મનાવશે. પૂર્વ નાણાં મંત્રી  પી. ચિદમ્બરમ વતી તેમના વકીલ કપિલ સિબ્બલે કોર્ટમાં કહ્યું હતું કે, જો તેઓ પૂછપરછ માટે જ તેમને કસ્ટડીમાં લેવા માંગતા હોય તો અમે ઇડી સમક્ષ આત્મસમર્પણ કરવા તૈયાર છીએ. કારણ કે પી.ચિદમ્બરમને તિહાર જેલમાં મોકલવા માટે પૂરતા પુરાવા સીબીઆઈ પાસે નથી.

આઈએનએક્સ મીડિયા કેસમાં ગુરુવારે પૂર્વ નાણામંત્રી અને કોંગ્રેસના નેતા પી ચિદમ્બરમને ડબલ ફટકો પડ્યો.  પૂર્વ નાણાં પ્રધાનને એન્ફોર્સમેન્ટ ડિરેક્ટોરેટ મુદ્દે આગોતરા જામીન ન મળતાં અને પી.ચિદમ્બરમને રાઉઝ એવન્યુ કોર્ટના આદેશથી મોડી સાંજ સુધી ન્યાયિક કસ્ટડીમાં તિહાડ જેલમાં મોકલવામાં આવ્યા હતા. પૂર્વ નાણામંત્રી 19 સપ્ટેમ્બર સુધી તિહાડ જેલમાં ન્યાયિક કસ્ટડીમાં રહેશે. પી.ચિદમ્બરમની તિહાડ જેલમાં પહેલી રાત સામાન્ય કેદી જેવી હતી. કોર્ટના આદેશ પર તેને કેટલીક સુવિધાઓ મળી છે, પરંતુ મોટાભાગની સુવિધાઓ સામાન્ય કેદીની જેમ પૂરી પાડવામાં આવી રહી છે.