INX મીડિયા કેસમાં આરોપ સાથે CBIએ પી. ચિદમ્બરમની આખરે 28 કલાક બાદ તેમના દિલ્હીના ઘરેથી ધરપકડ કરી હતી. અડધી રાત્રે તેમના ઘરની બહાર હાઈવોલ્ટેજ ડ્રામા સર્જાયો હતો.
જેમાં CBI તેમના ઘરની દિવાલ કૂદીને અંદર પહોંચી હતી. આ અગાઉ નાટ્યાત્મક રીતે ચિદમ્બરમ દિલ્હી કોંગ્રેસ કાર્યાલયમાં હાજર થયાં હતાં અને પ્રેસ કોન્ફરન્સ યોજી હતી. જ્યાં તેમણે પોતાના પર કોઈ આરોપ નથી અને ષડયંત્રનો ભોગ બનાવાઈ રહ્યો છે તેમ જણાવ્યું હતું. ત્યાર બાદ તેઓ ઘરે ગયા હતાં અને જ્યાંથી તેમની ધરપકડ કરાઈ હતી.
ચિદમ્બરમની ધરપકડ
1 કલાકની પૂછપરછ બાદ પી ચિદમ્બરમની સીબીઆઇ દ્વારા ધરપકડ કરવામાં આવી. DCP આનંદ શર્માની ટીમે ચિદમ્બરમની ધરપકડ કરી હતી. ચૂસ્ત પોલીસ બંદોબસ્ત વચ્ચે તેમની ધરપકડ કરવામાં આવી હતી. ત્યારે સીબીઆઇ દ્વારા તેમની પૂછપરછ માટે સીબીઆઇના મુખ્ય કાર્યાલય લઇ જવાયા હતાં.
હવે ચિદમ્બરમ પાસે આ છે વિકલ્પો
સુપ્રીમ કોર્ટમાં દાખલ થયેલી વિશેષ અરજી કોઈ કામની નહીં રહે
ધરપકડ બાદ શુક્રવારે સુનાવણી દરમિયાન અરજી રદ થઈ શકે
ચિદંબરમ પાસે હવે રેગ્યુલર જામીનનો વિકલ્પ રહે
ચિદંબરમે નીચલી કોર્ટનો દરવાજો ખટખટાવો પડશે
નિચલી કોર્ટમાંથી જ જામીન મળી શકશે
સુપ્રીમ કોર્ટમાંથી સીધા જ જામીન હવે નહીં મળી શકે
CBI 24 કલાકમાં મેજિસ્ટ્રેટ સામે રજૂ કરશે
પુછપરછ પહેલા તેમનું મેડિકલ ચેકઅપ થશે
CBI કોર્ટમાં ચિદંબરમને રજૂ કરાશે
ચિદંબરમની કસ્ટડીની માગ CBI કરી શકે છે
મીડિયા રિપોર્ટ્સ અનુસાર, સીબીઆઇ કોર્ટમાં તેમના 14 દિવસના રિમાન્ડ માંગી શકે છે. સીબીઆઇએ તેમને મુખ્ય ષડયંત્રકર્તા માન્યા છે. એટલું જ નહીં સીબીઆઇ સિવાય ઇડી તરફથી પણ ચિદમ્બરમની રિમાન્ડ માંગી શકે છે.
ઉલ્લેખનીય છે કે, 27 કલાક સુધી ગાયબ રહ્યા બાદ બુધવાર રાત્રે અંદાજિત 8 કલાકે તેઓ અચાનક કોંગ્રેસના મુખ્ય કાર્યાલય પહોંચ્યા હતા અને ખુદને નિર્દોષ ગણાવ્યા હતા. જોકે અંદાજિત 10 મિનિટ સુધી લખેલું ભાષણ વાંચ્યા બાદ તાત્કાલિક તેઓ પાર્ટી મુખ્યાલયથી નિકળીને ઘરે પહોંચી ગયા અને બાદમાં સીબીઆઇની ટીમ પણ પહોંચી અને ધરપકડ કરી લીધી હતી.