ચકચાર / સુરતમાં કોંગ્રેસ નેતા દારૂના ધંધામાં મદમસ્ત, પોલીસે આવી રીતે પગેરું મેળવી જેલ ભેગા કર્યા, વિદેશી બ્રાન્ડ મંગાવતી

• સુરત કોંગ્રેસ મહિલા નેતા દારૂ સાથે ઝડપાઇ
• ઉમરા પોલીસે કોંગી નેતા મેધના પટેલ ઝડપી પાડી
• પોલીસે બોલેરો કારમાં દારૂ સાથે એક વ્યક્તિને ઝડપી પાડ્યો હતો

સુરત કોંગ્રેસના મહિલા નેતાની દારૂ પ્રકરણમાં સંડોવણી ખુલતા ચકચાર મચી જવા પામી છે. ઉમરા પોલીસે કોંગ્રેસના નેતા મેઘના પટેલને દારૂના જથ્થા સાથે પકડી પાડી કાર્યવાહી હાથ ધરી છે. વધુમાં પોલીસે કારમાં દારૂ સાથે એક વ્યક્તિને પણ પકડી પાડ્યો હતો.

સુરત કોંગ્રેસના મહિલા નેતા 7 લાખ 65 હજારનો વિદેશી દારૂ સાથે ઝડપાયા, પોલીસે કારમાં દારૂ સાથે એક વ્યક્તિની કરી હતી ધરપકડ, પૂછપરછમાં દારૂ મેઘના પટેલે મંગાવ્યો હોવાનું ખુલ્યું#Surat #Congress #alcohol #VTVGujarati pic.twitter.com/HwItXdaAcD

— VTV Gujarati News and Beyond (@VtvGujarati) March 2, 2023

યુવકની પૂછપરછ કરતા દારૂ મેધના પટેલે મંગાવ્યો હોવાનું ખુલ્યું

ગુજરાતમાં કહેવાતી દારૂબંધી વચ્ચે બેફામ દારૂ, વેંચાઈ છે અને પીવાય પણ છે. જેના અનેક કિસ્સાઓ છાશવારે સામે આવી રહ્યા છે. આવી સ્થિતિ વચ્ચે સુરતમાં ફરી દારૂબંધીના લીરેલીરા ઉડ્યા હોવાનો કિસ્સો સામેં આવ્યો છે.પોલીસે કાર સાથે નીકળેલા શખ્સની તપાસ હાથ ધરતા તેના કબજામાંથી 7. 65 લાખની કિંમતનો દારૂનો જથ્થો ઝડપાયો હતો.

ઉમરા પોલીસે કોંગ્રેસ મહિલા નેતા સહીત બે લોકોની કરી ધરપકડ

પોલીસ ઝપટે ચડેલા આરોપી યુવકની પૂછપરછ કરતા આરોપીએ દારૂ મેઘના પટેલે મંગાવ્યો હોવાની કબૂલાત આપી હતી. જેને લઈને ઉમરા પોલીસે કોંગ્રેસ મહિલા નેતા મેધના પટેલ સહિત બે લોકોની ધરપકડ કરી લીધી હતી. હાલ પોલીસ આ પ્રકરણમાં અન્ય કોઈની સંડોવણી છે કે કેમ ? તે સહિતની દિશામાં કાર્યવાહી હાથ ધરી છે.

સળગતા સવાલ

• સુરતમાં ફરી કેમ ઉડ્યા દારૂબંધીના લીરેલીરા?
• રાજ્યમાં દારૂબંધી હોવા છતાં કોણ ઘુસાડે છે દારૂ?
• બુટલેગરોને કેમ નથી કાયદાનો ડર?
• ગુજરાતમાં પોલીસની રહેમનજર હેઠળ દારૂ ઘુસાડાય છે?
• કોંગ્રેસ પક્ષ આવા નેતાને ક્યારે કરશે સસ્પેન્ડ?