ડૂબાડ્યા / ભારતીય શેરબજારમાં કડાકો, ગ્લોબલ માર્કેટની સીધી અસર થતાં રોકાણકારોએ ગુમાવ્યા રૂપિયા, સેન્સેક્સ 600 પોઈન્ટ ગબડ્યો

• અમેરિકન અને એશિયન શેરોમાં ઘટાડાને કારણે
• BSE સેન્સેક્સ 1.28 ટકાના ઘટાડા સાથે ખુલ્યો 
• NSEનો નિફ્ટી 1.16 ટકાના ઘટાડા ટ્રેડ કરી રહ્યો છે.

અમેરિકન અને એશિયન શેરોમાં ઘટાડાને કારણે, સપ્તાહના છેલ્લા ટ્રેડિંગ સેશનમાં ભારતીય શેરબજારમાં ઘટાડા સાથે ટ્રેડિંગ શરૂ થયું છે. મુંબઈ સ્ટોક એક્સચેન્જનો ઈન્ડેક્સ સેન્સેક્સ 561 પોઈન્ટના ઘટાડા સાથે ખુલ્યો છે અને નિફ્ટી 194 પોઈન્ટની નજીક છે.

કેવી રીતે ખુલ્યું બજાર

આજે શેરબજારમાં વેચવાલીના કારણે સેન્સેક્સ અને નિફ્ટીમાં ઘટાડો જોવા મળી રહ્યો છે. BSE સેન્સેક્સ 661 પોઈન્ટ અથવા 1.28 ટકાના ઘટાડા સાથે 54,646 પોઈન્ટ પર ખુલ્યો હતો. બીજી તરફ NSEનો નિફ્ટી 190 પોઈન્ટ અથવા 1.16 ટકાના ઘટાડા સાથે 16,287 પર ટ્રેડ કરી રહ્યો છે.

સેક્ટોરિયલ ઈન્ડેક્સની સ્થિતિ

આજે તમામ સેક્ટોરિયલ ઈન્ડેક્સ લાલ નિશાનમાં કારોબાર કરી રહ્યા છે. બેન્કિંગ, ઓટો, આઈટી, એફએમસીજી, મેટલ, એનર્જી સેક્ટરના શેરોમાં ઘટાડો નોંધાયો હતો. જ્યારે આઈટી શેરોમાં ઓલરાઉન્ડ વેચવાલી જોવા મળી રહી છે. સેન્સેક્સના 30 શેરોની વાત કરીએ તો માત્ર 3 શેર જ લીલા નિશાનમાં ટ્રેડ થઈ રહ્યા છે જ્યારે 27 શેર લાલ નિશાનમાં ટ્રેડ થઈ રહ્યા છે. બીજી તરફ, નિફ્ટીના 50 શેરોમાંથી 46 લાલ નિશાનમાં ટ્રેડ થઈ રહ્યા છે જ્યારે 4 માત્ર લીલા નિશાનમાં ટ્રેડ થઈ રહ્યા છે.
 
જાણો માર્કેટના ટોપ ગેઇનર્સને

આજે ટોચના ક્લાઈમ્બર્સ પૈકી ડેલ્ટા કોર્પ 1.47 ટકા, ટાટા કન્ઝ્યુમર 1.16 ટકા, બજાજ ઓટો, 0.75 ટકા, ઈન્ડિગો 0.83 ટકા, ટ્રેન્ટ 1.34 ટકા, મારુતિ સુઝુકી 0.43 ટકા, ટાઇટન 0.07 ટકાના વધારા સાથે ટ્રેડ થઈ રહ્યા છે.

આજે આ શેરોના ભાવ ગગડ્યા

આજે આ શેરોના ભાવ પર નજર કરીએ તો, હિન્દાલ્કો 2.94 ટકા, વિપ્રો 2.40 ટકા, ટાટા સ્ટીલ 2.19 ટકા, ઇન્ફોસીસ 1.93 ટકા, ટેક મહિન્દ્રા 1.82 ટકા, જેએસડબલ્યુ સ્ટીલ 1.81 ટકા, કોટક મહિન્દ્રા 1.65 ટકા, એપોલો હોસ્પિટલ, 1.43 ટકા, ફિન 1.43 ટકા, બાજા 1.43 ટકા. ના ઘટાડા સાથે વેપાર કરી રહ્યાં છે.