શેરબજારમાં ગુરુવારે જબરજસ્ત તેજી જોવા મળી. બોમ્બે સ્ટોક એક્સચેંજના સેન્સેક્સમાં 646 પોઇન્ટ અને NSEની નિફ્ટીમાં 171 પોઇન્ટની તેજી જોવા મળી. જેના કારણે રોકાણકારોની રકમમાં એક જ દિવસમાં 2,20,928.11 કરોડ રૂપિયાનો વધારો થયો.
સેન્સેક્સમાં 646 પોઇન્ટનો વધારો
ઉલ્લેખનીય છે કે ગુરુવારે બોમ્બે સ્ટોક એક્સચેંજના સેન્સેક્સમાં 646.40 પોઇન્ટની તેજ જોવા મળી. આ સાથે સેન્સેક્સ 38,840.32 પર બંધ થયો. આ રીતે નેશનલ સ્ટોક એક્સચેંજનો નિફ્ટી 171.25 એટલે કે 1.52 ટકાના વધારા સાથે 11,449.25 પોઇન્ટ પર બંધ થયો. સેન્સેક્સની કંપનીમાં રિલાયન્સ ઇંડસ્ટ્રઝના શેર સૌથી વધુ 7 ટકા ઉપર જોવા મળ્યો.
માર્કેટ કેપમાં થયો વધારો
આ ઉછાળાના કારણે BSE પર લિસ્ટેડ કંપનીઓનું કુલ માર્કેટ કેપ 2,20,928.11 કરોડ રૂપિયા વધીને 1,55,21,743.23 કરોડ રૂપિયા પર પહોંચી ગયું. BSEમાં લિસ્ટેડ કંપનીઓમાં 1,789ના શેરનું મૂલ્ય વધીને 992ના શેરમાં ઘટાડો જોવા મળ્યો, જ્યારે 165 કંપનીઓના શેરમાં કોઇ ફેરફાર જોવા મળ્યો નહીં.
રિલાયન્સના શેરમાં જોવા મળ્યો ઉછાળો
ન્યૂઝ એજન્સીના જણાવ્યાં મુજબ જિયોજિત ફાઇનાસિયેલ સર્વિસિઝના રિસર્ચ હેડે કહ્યું કે ભારતીય શેરબજારમાં આજે વધારો જોવા મળ્યો. આ મજબૂતી રિલાયન્સ ઇંડસ્ટ્રીઝ લિમિટેડના શેરમાં તેજીના કારણે જોવા મળી.
સેન્સેક્સમાં 646 પોઇન્ટનો ઉછાળો, નિફ્ટીમાં આવેલી તેજીમાં સૌથી વધારે રિલાયન્સનું યોગદાન રહ્યું છે. માર્કેટમાં સકારાત્મક વલણમાં વૈશ્વિક શેર બજારોમાં જોવા મળેલ સકારાત્મક સંકેતોની પણ મહત્વભૂમિકા રહી.
ઉલ્લેખનીય છે કે રિલાયન્સ ઇન્ડસ્ટ્રીઝના શેર ગુરુવાર દરમિયાન અત્યાર સુધીના ઉચ્ચ સ્તર 2344-2345 રૂપિયા સુધી જોવા મળ્યા. જેનુ કારણ હતું કે એક રિપોર્ટ મુજબ રિલાયન્સ રીટેલમાં ભાગીદારી વેચાણને લઇને રિલાયન્સ અને એમેઝોન વચ્ચે વાતચીત ચાલી રહી છે. જેના કારણે શેરમાં વધારો જોવા મળ્યો. દિવસના અંતે શેર ગત દિવસના મુકાબલે 7.10 ટકા વધીને 2314.65 પર બંધ થયો.
આ શેરમાં તેજી-ઘટાડો જોવા મળ્યો
શેર બજારમાં એશિય પેન્ટસ, એક્સિસ બેંક, ઇંડસન્ડ બેંક, અલ્ટ્રાટેક સિમેન્ટ અને બજાજ ફાયનાન્સના શેરમાં વધારો જોવા મળ્યો. જ્યારે ટાટા સ્ટીલ, ભારતી એરટેલ, કોટક બેંક, ટાઇટન અને એચડીએફસી બેંકના શેરમાં ઘટાડો જોવા મળ્યો.