આનંદો / ધનતેરસ પહેલાં ફરી ઘટ્યો સોનાનો ભાવ, સરકાર પણ કાલ સુધી વેચશે સસ્તું સોનું, જાણો આજનો નવો ભાવ

• ધનતેરસે સોનું ખરીદવાની છે પરંપરા
• કેટલાક દિવસથી સતત ઘટી રહ્યા છે સોનાના ભાવ
• મોદી સરકાર પણ કાલ સુધી સસ્તામાં સોનું ખરીદવાની તક આપશે

 
સોનાની કિંમતોમાં આવ્યો ઘટાડો
દિલ્હીના સર્રાફા બજારમાં મંગળવારે સોનાની કિંમતમાં  662 રૂપિયા પ્રતિ 10 ગ્રામનો ઘટાડો જોવા મળ્યો છે. બુધવારે પણ ભાવમાં ઘટાડો ચાલુ રહ્યો હતો. 24 કેરેટ 10 ગ્રામ સોનાનો ભાવ 50650 રૂપિયા હતો તો 22 કેરેટ સોનાનો ભાવ 49650 રૂપિયા રહ્યો હતો. પરંતુ છેલ્લા થોડા દિવસથી સોનાની ચમક ફીકી પડી છે. 

ગોલ્ડમાં રોકાણની છે 4 રીત
તહેવારની સીઝનમાં જો તમે સોનું ખરીદવાનું વિચારી રહ્યા છો તો જરૂરી નથી કે તમે સોનું જ ખરીજો. તમે ચાર રીતે ગોલ્ડમાં રોકાણ કરી શકો છો. જેમે કે ફિઝિકલી ગોલ્ડ, ગોલ્ડ મ્યુચ્યુઅલ ફંડ્સ, ગોલ્ડ બોન્ડ્સ અને સોવરેન બોન્ડ્સ. 

ફિઝિકલી ગોલ્ડ ખરીદવું એ જૂની પરંપરા છે. ગ્રામીણ વિસ્તારોમાં આજે પણ લોકો સોનાની ખરીદી પસંદ કરીને ખરીદી રહ્યા છે પણ કોરોનાના કારણે આ વર્ષે તેની ડિમાન્ડ ઘટી છે. ગોલ્ડ મ્યુચ્યુઅલ ફંડ્સની મદદથી પણ સોનામાં રોકાણ કરી શકાય છે. બજારમાં અનેક ફંડ મળી રહ્યા છે. જેની કિંમત વધતી અને ઘટતી રહે છે. તો તમે પણ તે રીતે રોકાણ કરો. આ સિવાય છે ડિજિટલ ગોલ્ડ જેમાં  બેંક, મોબાઈલ વોલેટ કે બ્રોકરેડ કંપનીઓ કે પછી સેફ ગોલ્ડની સાથે ટાઈઅપ કરીને એપની મદદથી ગોલ્ડનું વેચાણ કરાય છે. આ સિવાય તમે શેરબજારમાં કોમોડિટી એક્સચેન્જની રીતે પણ સોનું ખરીદી શકો છો. 

ગોલ્ડ બોન્ડનું થઈ રહ્યું છે જોરદાર વેચાણ
આ વર્ષે દિવાળી પહેલાં ધનતેરસના શુભ અવસરે ઈટીએફ અને ગોલ્ડ બોન્ડનું ખાસ વેચાણ થયું છે. આ અવસરે ભારતીય શેરબજારની તરફથી પરણ ગ્રાહકોની ભીડ જોવા મળતાં ખાસ તૈયારીઓ શરૂ કરાઈ છે.

સોવરેન ગોલ્ડ બોન્ડ્સ
આ વખતે 13 નવેમ્બર સુધી આ બોન્ડમાં રોકાણ કરી શકાશે. આ માટે આરબીઆઈએ 5177 રૂપિયા પ્રતિ ગ્રામ નક્કી કર્યા છે. ઓનલાઈન પેમેન્ટ પર 50 રૂપિયાની છૂટ પણ આપવામાં આવી રહી છે. અહીં તમારે ઓછામાં ઓછું 1 ગ્રામ સોનું ખરીદવાનું રહે છે. તેનો મેચ્યોરીટી સમય 8 વર્ષનો હોય છે પરંતુ તેને 5 વર્ષ બાદ કાઢી શકાય છે. ફીઝિકલી સોનાની ખરીદી ઘટાડવા માટે આ સ્કીમ લોન્ચ કરાઈ છે. 

સોવરેન ગોલ્ડ બોન્ડના ફાયદા

આ યોજનામાં રોકાણનો વિકલ્પ 2015માં આવ્યો હતો. જો ફાયદાની વાત કરીએ તો વર્ષમાં 2.5 ટકાનું વ્યાજ પણ મળે છે. ગોલ્ડ બોન્ડમાં ઓછામાં ઓછું 1 ગ્રામ સોનું મળે છે. સામાન્ય માણસ માટે વધારેમાં વધારે લિમિટ 4 કિલોગ્રામ છે. જ્યારે હિંદુ અવિભાજિત પરિવાર માટે 4 કિલોગ્રામ અને ટ્રસ્ટ માટે આ મર્યાદા 20 કિલોગ્રામની છે. છેલ્લા થોડા વર્ષોથી આ યોજનામાં રોકાણમાં જડપથઈ વધારો નોંધાયો  છે.