પોસ્ટ ઓફિસે સ્મોલ સેવિંગ સ્કીમ્સના ખાતાધારકો માટે ઈ-પાસબુકની સુવિધા શરૂ કરી છે. હવે તમારે તમારા ખાતા સંબંધિત માહિતી માટે નેટ બેન્કિંગ કે મોબાઈલ બેન્કિંગની પણ જરૂર નહીં પડે.
સ્મોલ સેવિંગ સ્કીમ્સના ખાતાધારકો માટે ખુશખબર
નહીં પડે નેટ બેન્કિંગ કે મોબાઈલ બેન્કિંગની જરૂર
આ રીતે જોઈ શકાશે ઈ-પાસબુક
જો તમે પોસ્ટ ઓફિસની નાની બચત યોજનાના ખાતાધારક છો તો તમારી સુવિધા માટે પોસ્ટ ઓફિસે નાની બચત યોજનામાં એક નવી સુવિધા શરૂ કરી છે. જેના દ્વારા તમે તમારા ખાતાની માહિતી ઘરે બેઠા ઓનલાઈન લઈ શકશો. આ માટે તમારે હવે પોસ્ટ ઓફિસ જવાની જરૂર નહીં પડે.
પોસ્ટ ઓફિસે નાની બચત યોજનાઓના ખાતાધારકો માટે ઈ-પાસબુકની સુવિધા શરૂ કરી છે. આ સુવિધાની વિશેષતા એ છે કે હવે તમે જ્યારે પણ ઈચ્છો ત્યારે કોઈપણ સ્થળેથી તમારા ખાતાની માહિતી મેળવી શકો છો. ખાતા સંબંધિત માહિતી મેળવવા માટે તમારે નેટ બેન્કિંગ કે મોબાઈલ બેન્કિંગની પણ જરૂર નહીં પડે. ખાતા ધારકો ઈ-પાસબુક સુવિધાનો ઉપયોગ કરવા માટે રજિસ્ટર્ડ મોબાઈલ ફોનનો ઉપયોગ કરી શકે છે.
ઈ-પાસબુકની સુવિધા
આ અંગે પોસ્ટ વિભાગનું કહેવું છે કે આ સેવા નાની બચત યોજનાના ખાતાધારકો માટે મફતમાં ઉપલબ્ધ છે. 12 ઓક્ટોબર 2022ના રોજ પોસ્ટ વિભાગે એક સૂચના દ્વારા કહ્યું હતું કે સક્ષમ અધિકારીએ ઇ-પાસબુક સુવિધા શરૂ કરવાનો નિર્ણય લીધો છે. ગ્રાહકો 12.10.2022 થી આ સુવિધાનો ઉપયોગ કરી શકશે. તેનો હેતુ ગ્રાહકોને એડવાન્સ અને ડિજિટલ ફેસિલિટી પ્રોવાઈડ કરવાનો છે. તમે ઈ-પાસબુક સુવિધાનો ઉપયોગ કેવી રીતે કરી શકો અને તેમાં કઈ સેવાઓ ઉપલબ્ધ છે. આ તમામ માહિતી તમને અહીં આપવામાં આવી રહી છે.
E-Passbook ફેસિલિટીમાં શું છે ખાસ?
E-Passbookની સુવિધાની ખાસ વાત એ છે કે આમાં તમારે તમારા એકાઉન્ટ બેલેન્સ કે ટ્રાન્ઝેક્શનની વિગતો જાણવા માટે પોસ્ટ ઓફિસ જવાની જરૂર નહીં પડે. તમે કોઈપણ સમયે અને કોઈપણ સ્થાનથી એકાઉન્ટ માહિતીને ઍક્સેસ કરી શકો છો. આ સુવિધા સંપૂર્ણપણે મફત છે. આમાં તમારે અલગથી ઇન્ટરનેટ બેંકિંગ અથવા મોબાઇલ બેંકિંગની પણ જરૂર પડશે નહીં.
એકાઉન્ટ સાથે જોડાઈ છે આ જાણકારી
બેલેન્સ ઈન્ક્વાયરી
ખાતાધારક આ વિકલ્પનો ઉપયોગ કરીને બધી નેશનલ સેવિંગ સ્કીમ એકાઉન્ટનું બેલેન્સ ચેક કરી શકો છો.
મિની સ્ટેટમેન્ટ
મિની સ્ટેટમેન્ટ શરૂઆતમાં Po સેવિંગ્સ એકાઉન્ટ્સ (POSA), સુકન્યા સમૃદ્ધિ એકાઉન્ટ્સ (SSA) અને પબ્લિક પ્રોવિડન્ટ ફંડ એકાઉન્ટ્સ (PPF) માટે ઉપલબ્ધ કરાવવામાં આવશે અને પછી ધીમે ધીમે તે અન્ય સ્કીમ્સમાં પણ ઉપલબ્ધ થશે. તેમાં લેટેસ્ટ 10 ટ્રાન્ઝેક્શન બતાવશે અને મિની સ્ટેટમેન્ટ PDF ફોર્મેટમાં ડાઉનલોડ કરી શકાય છે.
ફૂલ સ્ટેટમેન્ટ:
ફૂલ સ્ટેટમેન્ટ ધીમે ધીમે ઉપલબ્ધ કરવામાં આવશે
આ રીતે એકાઉન્ટ બેલેન્સ ચેક કરો
તમે આ રીતે પીપીએફ, સેવિંગ્સ એકાઉન્ટ, સુકન્યા સમૃદ્ધિ એકાઉન્ટનું બેલેન્સ ચેક કરી શકો છો
સૌથી પહેલા તમારે http://www.indiapost.gov.in અથવા http://www.ippbonline.com પર આપેલ ઈ-પાસબુક લિંક પર ક્લિક કરવાનું રહેશે.
આ તેની સીધી લિંક છે- https://posbseva.ippbonline.com/indiapost/signin
મોબાઇલ નંબર અને કેપ્ચા દાખલ કરો. તે પછી લોગીન કરો.
તમારા રજિસ્ટર્ડ નંબર પર OTP આવશે, તેને એન્ટર કરો. અને સબમિટ પર ક્લિક કરો.
તે પછી e-Passbook પસંદ કરો.
તે પછી સ્કીમનો ટાઈપ પસંદ કરો. એકાઉન્ટ નંબર દાખલ કરો.
નોંધાયેલ મોબાઇલ નંબર અને કેપ્ચા કોડ દાખલ કરો. Continue પર ક્લિક કરો પછી OTP ભરો. પછી વેરીફાઈ પર ટેપ કરો.
હવે તમારી સામે ત્રણ વિકલ્પો હશે બેલેન્સ ઇન્ક્વાયરી, મિની સ્ટેટમેન્ટ અને ફુલ સ્ટેટમેન્ટ.
તમે તમારી જરૂરિયાત મુજબ યોગ્ય વિકલ્પ પર ક્લિક કરીને બેલેન્સ વિગતો ચકાસી શકો છો.