રાજ્યભરમાં તંત્ર દ્વારા સેફ્ટીને લઇને તપાસ કરવામાં આવી રહી છે. ત્યારે પાટણમાં પણ જિલ્લા કલેક્ટર દ્વારા સેફ્ટી સહિતને લઇને તપાસના આદેશ આપવામાં આવ્યા છે. જેમાં વિવિધ ટીમો બનાવી અને શહેર અને જિલ્લામાં ચાલતા ટ્યૂશન ક્લાસીસ, હોસ્પિટલ, સરકારી તેમજ કોમર્શિયલ બિલ્ડિંગોમાં તપાસ શરૂ કરી દેવામાં આવી છે. એનઓસી સહિતના જરૂરી દસ્તાવેજોને લઇ 200થી વધુ બિલ્ડિંગોમાં તપાસ કરવામાં આવી. જેમાં 101 જેટલા એકમો ગેરકાયદે ચાલતા હોવાનું સામે આવ્યું છે. અને આ તમામ પાસે ફાયર સેફ્ટીનો અભાવ જોવા મળતા તંત્ર દ્વારા નોટિસ ફટકારવામાં આવી છે. અને જો 3 દિવસમાં ખુલાસો નહીં કરવામાં આવે તો તમામ એકમોને સીલ કરી દેવાનો આદેશ આપ્યો છે.