રાજ્યના સરહદી જિલ્લાની સુરક્ષામાં વધારો કરવામાં આવ્યો છે. ગુજરાત-રાજસ્થાનની રતનપુર બોર્ડર પર તપાસ હાથ ધરવામાં આવી છે. ગૃહવિભાગના આદેશના પગલે સઘન સુરક્ષા વ્યવસ્થા કરવામાં આવી છે. પોલીસ દ્વારા શંકાસ્પદ વિસ્તારોમાં કોમ્બિંગ કરવામાં આવી રહ્યું છે. શંકાસ્પદ વાહનો પર પણ નજર રાખવાનો આદેશ કરવામાં આવ્યો છે.
પાટણમાંથી પાકિસ્તાની શખ્સ ઝડપાયો
અત્રે ઉલ્લેખનીય છે કે ગઇકાલે પાટણ જિલ્લામાંથી પાકિસ્તાની શખ્સ ઝડપાયો હતો. સાંતલપુર બોર્ડર વિસ્તારમાંથી પાકિસ્તાની શખ્સ ઝડપાયો હતો. BSFએ પાકિસ્તાની શખ્સને ઝડપી પાડ્યો હતો. BSFએ પાકિસ્તાની શખ્સને સાંતલપુર પોલીસને સોંપ્યો હતો. પાકિસ્તાની શખ્સની પૂછપરછ ચાલી રહી છે.
મહત્વનું છે કે જમ્મુથી શ્રીનગર જઈ રહેલી CRPFની 70 ગાડીઓના કાફલા પર કાશ્મીરના પુલવામામાં આતંકીઓએ આત્મઘાતી હુમલો કર્યો હતો. જેમાં 44 જવાન શહીદ થયા હતા જ્યારે અનેક ઘાયલ થયા છે.