ગુજરાત ATSએ શંકાસ્પદ એક શખ્સની અટકાયત કરી, મોટા ખુલાસા થવાની પૂરેપૂરી શક્યતા
ડ્રગ્સ કેસની તપાસ માટે ગુજરાત ATSના પોરબંદરમા ધામા
મોરબી-દ્વારકા ડ્રગ્સ કેસના તાર પોરબંદર સુધી પહોંચ્યા
પૂછપરછમા વધુ વિગતો બહાર તેવી શક્યતા
મોરબી ઝીંઝુડા ગામે મળેલા 600 કરોડના ડ્રગ્સની તપાસનો રેલો પોરબંદર સુધી પહોંચ્યો છે. મોરબી-દ્વારકા ડ્રગ્સ કેસના પકડાયેલા આરોપીઑની કડક પૂછપરછ કરતાં મોટા ઘટસ્ફોટ થયા હતા. જેમાં ATSએ શંકાસ્પદ એક શખ્સની અટકાયત કરી છે. મહત્વનું છે કે પોરબંદર પોલીસ દ્વારા ચોપાટી નજીક સઘન પેટ્રોલિંગ કરવામાં આવી રહ્યું છે. ગુજરાત ATS દેશ વિરોધીઓને જડબાતોડ જવાબ આપી ચૂક્યું છે. હાલ તો ડ્રગ્સ કેસની તપાસ માટે ગુજરાત ATSએ પોરબંદરમા ધામા નાખ્યા છે.
આરોપીઑ દરિયા માર્ગે ડ્રગ્સ કઈ રીતે લાવતા
મુખ્તાર હુસેન ઉર્ફે જબ્બાર રાવ અને ગુલામ હુસેન ભગાડ મુખ્ય આરોપી છે તેઓ પહેલા પાકિસ્તાનથી આફ્રિકા ડ્રગ્સ મોકલવાના હતા પરતું પ્લાન ચેન્જ થતા આફ્રિકાના બદલે પાક.થી ડ્રગ્સ ભારત મોકલાયું હતું, બંને અગાઉ દુબઈ ગયા હતા જ્યાં દુબઈમાં ડ્રગ્સ માફિયા સંપર્કમાં આવ્યા હતા જે બાદ સલાયાથી ડ્રગ્સ મોરબીના ઝિંઝુડા ગામે ડ્રગ્સ આવ્યું હતું, આ ડ્રગ્સનું કાવતરુ UAEમાં ઘડાયુ હતું, ઓક્ટોબરના છેલ્લા સપ્તાહમાં ડ્રગ્સની ડિલિવરી લેવાઇ જેમાં પાક.નો ડ્રગ્સ માફિયા બલોચ મુખ્ય ષડયંત્રકાર હોવાનું સામે આવ્યું છે
રાજ્યમાં ઓપરેશન ડ્રગ્સ મામલે ATSને મોટી સફળતા મળી છે. મોરબીના ઝીંઝુડા, જામનગર-સલાયા અને પોરબંદરમાંથી ડ્રગ્સના આરોપીઓ અને ડ્રગ્સ ઝડપાયું છે. મોરબીના ઝીંઝુડામાં હેરોઈનના જથ્થાને સીલ કરી તપાસ કરવામાં આવી હતી. તેમજ સલાયાથી ડ્રગ્સનો જથ્થો દરિયાઈ કે રોડ માર્ગે આવ્યો તે દિશામાં પણ તપાસ હાથ ધરવામાં આવી હતી. આરોપી સમસુદીન 4 વર્ષ પહેલા સમસુદીને ઝીંઝુડા ગામે મકાન ખરીદીને રહેતો હતો. તો આ મોરબીના ઝીંઝુડામાં ઝડપાયેલા ડ્રગ્સનું કનેક્શન દ્વારકાના સલાયામાંથી નિકળ્યું છે. આથી સલાયા પંથકમાં પોલીસે ચેકિંગ હાથ ધર્યું હતું. જેમાં આરોપી ગુલામહુસેન ભગાડ સલાયાનો વતની નીકળ્યો હતો. આથી બેડી બંદર તરફ આવતા જતા વાહનોનું સઘન ચેકિંગ કરવામાં આવી રહ્યું છે. તેમજ નેવી, કોસ્ટગાર્ડ, મરિન પોલીસ દ્વારા અરબી સમુદ્રમાં પેટ્રોલિંગ હાથ ધર્યું હતું. તે બાદ હવે ATSને મોટી કડી મળી છે. સમગ્ર તપાસના તાર પોરબંદર સુધી પહોંચ્યા છે. એક શકાસ્પદ વ્યક્તિ હાલ પોલીસ જાપ્તા છે.