તમારા કામનું / પોસ્ટ ઓફિસની આ સ્કીમમાં બચત કરો અને મેળવો મોટો ફાયદો, જાણો શું છે સમગ્ર સ્કિમ

• પોસ્ટની આ સ્કીમ્સમાં FD કરતા મળી રહ્યું છે વધારે વ્યાજ 
• PPF પર મળી રહ્યું છે 7.1% વ્યાજ 
• NSCમાં મળી રહ્યું છે 6.8% વ્યાજ 

પોસ્ટ ઓફિસની ઘણી સ્કીમ્સમાં તમારે ફિક્સ્ડ ડિપોઝિટ (FD) થી વધારે વ્યાજ મળી રહ્યું છે. આ સ્કીમમાં પબ્લિક પ્રોવિડન્ટ ફંડ (PPF) અને નેશનલ સેવિંગ સર્ટિફિકેટ (NSC) પણ સામેલ છે. તેમાં તમે 80C હેઠળ 1.5 લાખ રૂપિયા સુધીના રોકાણ પર ટેક્સ બચાવી શકો છો. દેશની સૌથી મોટી બેન્ક SBI ફિક્સ્ડ ડિપોઝિટ પર વધુમાં વધુ 5.4% વ્યાજ આપી રહી છે. આજે અમે તમને આ બન્ને સ્કીમ્સ વિશે જણાવી રહ્યા છીએ. તેમાં તમને FDથી વધારે વ્યાજ મળશે અને પૈસા પણ સિક્યોર રહેશે. 

PPF પર મળી રહ્યું છે 7.1% વ્યાજ 

• પબ્લિક પ્રોવિડન્ડ ફંડમાં ખાતું ફક્ત 500 રૂપિયાથી પણ ખોલી શકાય છે પરંતુ પછીથી દર વર્ષે 500 રૂપિયા એક વખત જમા કરાવવા જરૂરી છે. આ એકાઉન્ટમાં દર વર્ષે વધુમાં વધુ 1.5 લાખ રૂપિયા જ જમા કરાવી શકાય છે. 
• આ સ્કીમ 15 વર્ષ માટે છે જેને વચ્ચેથી ન ઉપાડી શકાય. પરંતુ તેને 15 વર્ષ બાદ 5-5 વર્ષ માટે વધારી શકાય છે. 
• તેને 15 વર્ષ પહેલા બંધ નહી કરી શકાય પરંતુ 3 વર્ષ બાદથી આ એકાઉન્ટના બદલામાં લોન લઈ શકાય છે. 
• વ્યાજદરની સમિક્ષા દર ત્રણ મહિનામાં સરકાર કરે છે. આ વ્યાજદર ઓછા અથવા વધારે થઈ શકે છે. હાલ આ એકાઉન્ટ પર 7.1% વ્યાજ મળી રહ્યું છે. 
• આ યોજનામાં રોકાણ દ્વારા 80C હેઠળ 1.5 લાખ રૂપિયા સુધી ટેક્સની છૂટનો લાભ મળી શકે છે. 
• PPF ઈનકમ ટેક્સની EEE કેટેગરી હેઠળ આવે છે. તેનો મતલબ એ છે કે રિટર્ન, મેચ્યોરીટી રકમ અને વ્યાજથી ઈનકમ પર આવકવેરો છૂટ મળી મળે છે. 

NSCમાં મળી રહ્યું છે 6.8% વ્યાજ 

• પોસ્ટ ઓફિસ નેશનલ સેવિંગ સર્ટિફિકેટ (NSC)માં રોકાણ પર 6.8% વાર્ષિક વ્યાજ મળી રહ્યું છે. 
• તેમાં વ્યાજની ગણતરી વાર્ષિક આધાર પર થાય છે. પરંતુ વ્યાજની રકમ રોકાણનો સમયગાળો પૂર્ણ થવા પર જ આપવામાં આવી છે. 
• NSC એકાઉન્ટ ખોલાવવા માટે ઓછામાં ઓછા 1000 રૂપિયાનું રોકાણ કરવાનું રહેશે. 
• આ ખાતાને કોઈ સગીરના નામ પર અને 3 વયસ્કોના નામ પર જોઈન્ટ એકાઉન્ટની રીતે પણ ખોલી શકાય છે. 
• 10 વર્ષથી વધારે ઉંમરના માઈનરના નામથી લાવીઓ પણ  દેખરેખમાં ખાતુ ખોલાવી શકે છે. 
• તેનો મેચ્યોરીટી પીરિયડ 5 વર્ષનો છે. આ પહેલા તમે સ્કીમથી બહાર નહીં નિકળી શકો. 
• આ યોજનામાં રોકાણ દ્વારા 80C હેઠળ 1.5 લાખ રૂપિયા સુધી ટેક્સની છુટનો લાભ આપવામાં આવી શકે છે. 
• તમે NSCમાં ગમે તેટલી રકમનું રોકાણ કરી શકો છો. તેમાં રોકાણની કોઈ સીમા નથી. 

ક્યાં રોકાણ કરવું યોગ્ય રહેશે? 
બન્ને જગ્યાએ રોકાણ કરવું સંપૂર્ણ રીતે સુરક્ષિત રહેશે. જો વ્યાજની વાત કરવામાં આવે તો PPFમાં નેશનલ સેવિંગ સર્ટિફિકેટ સ્કીમની તુલનામાં વધુ વ્યાજ મળી રહ્યું છે. પરંતુ તેમાં 15 વર્ષનું લોક-ઈન રહે છે. NSCમાં લોક-ઈન 5 વર્ષનું જ રહે છે. PPF ઈનકમ ટેક્સની EEE કેટેગરી હેઠળ આવે છે. તેનો મતલબ એ છે કે રિટર્ન, મેચ્યોરિટી રકમ અને વ્યાજથી ઈનકમ પર આવકવેરાની છૂટ મળે છે. ત્યાં જ NSCમાં ફક્ત રોકાણ પર જ ટેક્સ બચાવી શકીએ છીએ. તમે તમારા હિસાબથી આ બન્ને સ્કીમ્સમાં રોકાણ કરી શકો છો.