બાળકોની શાળા, કૉલેજનો અભ્યાસ, લગ્ન વગેરે એવા ખર્ચ છે જે સમયની સાથે વધી રહ્યા છે. બાળકોના ભવિષ્ય માટે બચત શરૂ કરતા પહેલા આ 3 વાતો તમને ખબહ હોવી જોઇએ. પહેલી બાળકોની કઇ ઉંમરમાં કેટલા રૂપિયાની જરૂર પડશે. બીજી લક્ષ્યને કેટલા સમયમાં મેળવવાની જરૂર છે. ત્રીજી, એ માટે કેટલું જોખમ ઊઠાવી શકો છો. ગૌરવ ગર્ગ, હેડ ઑફ રિસર્ચ, કેપિટવાયા ગ્લોબલ રિસર્ચ લિમિટેડ અહીંયા રોકાણને એવા પાંચ વિકલ્પોનો ઉલ્લેખ કરી રહ્યા છે જેમાં બાળકોના સારા ભવિષ્ય માટે રોકાણ કરવામાં આવી શકે છે.
પબ્લિક પ્રૉવિડેન્ટ ફંડ(પીપીએફ)
આ એમના માટે ફાયદાકારક છે જે વ્યાજ પર ટેક્સ બચાવવા ઇચ્છે છે. સાથે જ રોકાણ પર કમ્પાઉન્ડિંગનો લાભ પણ ઇચ્છે છે. જૂનો ઇન્કમ ટેક્સ સ્લેબ હેઠળ એક વર્ષમાં વધારેમાં વધારે 1.5 લાખ રૂપિયા જમા કરી શકો છો. મૂળ રકમ પર ધારા 80 સી હેઠળ એક વર્ષમાં 1.5 લાખ રૂપિયાની ટેક્સ છૂટ મળે છે. એક એપ્રિલથી લાગૂ થનારી નવી ઇન્કમ ટેક્સ વ્યવસ્થા હેઠળ પીપીએફ ખાતામાં કૉન્ટ્રિબ્યૂશન પર ટેક્સ છૂટનો દાવો કરવામાં આવી શકે નહીં, પરંતુ મેચ્યોરિટી અમાઉન્ટ ટેક્સ ફ્રી હશે. પીપીએફનો લૉક ઇન પીરિયડ 15 વર્ષનો હોય છે. બાળક સગીર હોવા પર ખુદ આ અકાઉન્ટમાં લૉક ઇન વગર આ પીરિયડના રોકાણ જારી રાખી શકે છે.
સુકન્યા સમૃદ્ધિ યોજના
આ ખાતા 10 વર્ષની ઉંમરની પુત્રીઓના નામ પર ખોલાવી શકાય છે. જો કોઇ પુત્રીના અભ્યાસ માટે આ ખાતામાં પૈસા નિકાળવા ઇચ્છો છો, તો એને ગત વર્ષના બેલેન્સથી 50 ટકા રકમ નિકાળવાની અનુમતિ હોય છે. પુત્રી 18 વર્ષ થયા બાદ આ અકાઉન્ટથી સમગ્ર રકમ નિકાળી શકાય છે. વર્ષમાં વધારેમાં વધારે 1.5 લાખ રૂપિયા સુધી જમા કરાવી શકો છો.
ઇક્વિટી મ્યુચ્યુલ ફંડ
એમા તમારા નામની સાથે, બાળકોના નામ પર પણ રોકાણ કરી શકો છો. એમા બાળકોની 10 વર્ષ બાદની જરૂરીયાતો માટે મોંઘવારી દર ધ્યાનમાં રાખીને સારું રિટર્ન મળી શકે છે. ઇક્વિટીમાં લૉન્ગ ટર્મમાં રોકાણના ફાયદા છે. પરંતુ જ્યારે તમે લક્ષ્યથી ત્રણ વર્ષથી ઓછાના અંતર પર પહોંચી જાવ તો બજાર પર નજર રાખવાનું શરૂ કરી દો, કેમ કે તમે જે કમાયા છો એ ગુમાવવાનું જોખમ ના રહે.
ડેટ મ્યુચ્યુલ ફંડ
એને ફિક્સ્ડ ઇન્ટરેસ્ટ અર્નિંગ ઇન્સ્ટ્રૂમેન્ટ પણ કહે છે. ઇક્વિટી મ્યુચ્યુલ ફંડની જેમ ડેટ મ્યુચ્યુલ ફંડ પણ બાળકોના નામે લઇ શકો છો. એનો મુખ્ય ઉદેશ વ્યાજ આવકના માધ્યમથી રૂપિયા જમા કરવા અને ફંડ વેલ્યૂમાં નિરંતર વધારો કરવાનો છે. આ રોકાણના હિસાબથી ઇક્વિટી મ્યુચ્યુલ ફંડની સરખામણીમાં વધારે સુરક્ષિત વિકલ્પ છે.
ગોલ્ડ ઇટીએફ
ગોલ્ડમાં સીધા રોકાણથી સારું છે ગોલ્ડ ઇટીએફમાં રોકાણ કરવું, ગોલ્ડ એક્સચેન્જ ટ્રેડેડ ફંડ એવું ફંડ છે જે મુખ્ય રૂપખી સોનામાં રોકાણ કરે છે. એને એક્સચેન્જ પર ખરીદી અને વેચી શકાય છે. આ ઓપન એન્ડેડ મ્યુચ્યુલ ફંડ સ્કીમ છે, જે સોનાની કિંમચોમાં ઉતાર ચઢાવ પર આધારિત થાય છે.