તમારા કામનું / ટેક્સ સેવિંગ સાથે મળશે શાનદાર રિટર્ન, પોસ્ટની આ 3 ધાંસૂ સેવિંગ સ્કીમમાં કરો રોકાણ, મળશે બીજા પણ ઘણા લાભ

• પોસ્ટ ઓફિસની આ સ્કીમ્સમાં કરો રોકાણ 
• ટેક્સ બેનિફિટ્સ સાથે મળશે આ લાભ 
• જાણો રોકાણ સાથે મળતા લાભો વિશે 

દરેક વ્યક્તિ તેની કમાણી શરૂ થતાની સાથે રોકાણની યોજના બનાવવાનું શરૂ કરે છે. ભારતીય પોસ્ટ ઓફિસ તેના ગ્રાહકોને વિવિધ રોકાણ વિકલ્પો વિશે માહિતી આપતું રહે છે. પાછલા થોડા દિવસોમાં રિઝર્વ બેંક દ્વારા રેપો રેટમાં વધારો કરવાના નિર્ણય પછી ઘણી બેંકોએ તેમના ફિક્સ્ડ ડિપોઝિટ રેટ્સમાં વધારો કરવાનો નિર્ણય લીધો છે. પરંતુ તેમ છતાં પોસ્ટ ઓફિસની સ્કીમ પર તમને વધુ વળતર મળી રહ્યું છે. આ સાથે પોસ્ટ ઓફિસની યોજનાઓમાં રોકાણ કરીને તમે ટેક્સ છૂટનો લાભ પણ મળવી શકો છો.

આવી સ્થિતિમાં અમે તમને કેટલીક એવી સ્કિમ્સ વિશે જણાવવા જઈ રહ્યા છીએ. જેમાં તમને રોકાણ પર વધુ વળતર મળે છે અને આવકવેરાની કલમ 80C હેઠળ છૂટનો લાભ પણ મળે છે.  

સીનિયર સિટીઝન સેવિંગ સ્કીમ 
જો તમે 60 વર્ષની ઉંમર પાર કરી ચુક્યા છો અને ટેક્સ સેવિંગ્સ બેનિફિટ્સ તેમજ બેંક FD કરતાં વધુ વળતર મેળવવા માંગો છો, તો તમે પોસ્ટ ઓફિસની વરિષ્ઠ નાગરિક બચત યોજનામાં રોકાણ કરી શકો છો. આ સ્કીમમાં રોકાણ કરવા પર તમને 7.4%નું વ્યાજ દર મળે છે. 

આ વ્યાજ દર ત્રણ મહિના પછી ડિપોઝિટ પર મળે છે. તમે સિંગલ  અથવા તમારા જીવનસાથી સાથે સિટીઝન સેવિંગ્સ સ્કીમ હેઠળ પોસ્ટ ઓફિસ ખાતું ખોલાવી શકો છો. આમાં ઓછામાં ઓછા 1,000 રૂપિયા અને વધુમાં વધુ 15 લાખ રૂપિયાનું રોકાણ કરી શકાય છે. આ સ્કીમમાં 5 વર્ષ સુધી પૈસા રોકી શકાય છે.

પબ્લિક પ્રોવિડન્ટ ફંડ એકાઉન્ટ
પબ્લિક પ્રોવિડન્ટ ફંડ એકાઉન્ટ એટલે કે PPF સ્કીમમાં રોકાણ કરીને તમે શાનદાર રિટર્નની સાથે જ ટેક્સ સેવિંગ્સનો લાભ મળવી શકો છો. તમને આ સ્કીમ પર 7.1%નું  રિટર્ન કમ્પાઉન્ટ ઈન્વેસ્ટના રૂપમાં મળે છે. 

તમે આ સ્કીમમાં કુલ 15 વર્ષના સમયગાળા માટે નાણાંનું રોકાણ કરી શકો છો. દરેક નાણાકીય વર્ષ માટે લઘુત્તમ રોકાણની રકમ 500 રૂપિયા છે અને મહત્તમ રકમ 1.5 લાખ રૂપિયા છે. 3 વર્ષ પછી તમે તેના પર લોન પણ લઈ શકો છો અને 5 વર્ષ પછી જરૂર પડે તો આ ખાતામાંથી આંશિક ઉપાડ પણ કરી શકો છો.

સુકન્યા સમૃદ્ધિ યોજના
સુકન્યા સમૃદ્ધિ યોજના એવી પોસ્ટ ઓફિસ યોજના છે જેમાં તમે તમારી નાની બાળકી માટે રોકાણ કરીને મોટું ફંડ બનાવી શકો છો. તે તેના રોકાણકારોને 7.6% ના વ્યાજ દર ઓફર કરે છે. આ વ્યાજ મોટાભાગની બેંકોના વ્યાજ દરો કરતા વધારે છે. તમે આ ખાતું 90 દિવસથી 10 વર્ષની વયની બાળકી માટે ખોલાવી શકો છો. 

આમાં તમે દર વર્ષે ઓછામાં ઓછા 250 રૂપિયા અને વધુમાં વધુ 1,50,000 રૂપિયાનું રોકાણ કરી શકો છો. આ સ્કીમમાં રોકાણ કરવાથી તમને આવકવેરાની કલમ 80C હેઠળ છૂટ મળે છે. બાળકી 21 વર્ષની થાય પછી તમે ખાતામાંથી સંપૂર્ણ રકમનું રોકાણ કરી શકો છો.