તમારા કામનું / માત્ર 7 રૂપિયાનું રોકાણ કરીને દર મહિને મેળવો 5000, જાણો કેન્દ્ર સરકારની આ સ્કીમ વિશે

• 2015માં શરૂ થઈ હતી આ યોજના 
• 60 વર્ષ બાદ મળશે પેન્શન 
• મેળવો 5000થી વધુ રૂપિયા દર મહિને 

2015માં શરૂ કરવામાં આવેલી અટલ પેન્શન યોજના પહેલા ફક્ત અસંગઠિત ક્ષેત્રોમાં કામ કરતા લોકો માટે હતી પરંતુ હવે આ યોજનામાં 18થી 40 વર્ષના કોઈ પણ ભારતીય નાગરિક રોકાણ કરીને પેન્શનનો લાભ ઉઠાવી શકે છે. જેમની પાસે બેન્ક અથવા પોસ્ટ ઓફિસમાં એકાઉન્ટ હોય. આ યોજનામાં 60 વર્ષ બાદ જમાકર્તાઓને પેન્શન મળવાનું શરૂ થઈ જાય છે. 

અટલ સ્કીમમાં પેન્શનની રકમ તમારા દ્વારા કરવામાં આવેલા રોકાણ અને તમારી ઉંમર પર નિર્ભર કરે છે. આ યોજના હેઠળ ઓછામાં ઓછા  1000થી 4000 રૂપિયા અને વધુમાં વધુ 5000 રૂપિયા માસિક પેન્શન મળી શકે છે. આ પેન્શન યોજના માટે જો તમે રજીસ્ટ્રેશન કરાવવા માંગતા હોવ તો તમારી પાસે સેવિંગ્સ એકાઉન્ટ, આધાર નંબર અને એક મોબાઈલ નંબર હોવો જરૂરી છે. 

જાણો કઈ રીતે 7 રૂપિયા લગાવીને મેળવી શકો છો 5 હજાર 
તમે જેટલી જલ્દી અટલ પેન્શન સાથે જોડાવ તેટલો જ વધુ ફાયદો મળશે. જો કોઈ વ્યક્તિ 18 વર્ષની ઉંમરમાં અટલ પેન્શન યોજના સાથે જોડાય છે તો તેને 60 વર્ષની ઉંમર બાદ દર મહિને 5000 રૂપિયા માસિક પેન્શન માટે દર મહિને 210 રૂપિયા જમા કરાવવાના રહેશે. એટલે કે આ યોજનામાં દરરોજે 7 રૂપિયા જમા કરાવીને તમે દર મહિને 5000 રૂપિયા પેન્શન મેળવી શકો છો. આ યોજનામાં દર મહિને 1000 રૂપિયાથી માસિક પેન્શન માટે દર મહિને ફક્ત 42 રૂપિયા જમા કરાવવાના રહેશે. ત્યાં જ 2000 રૂપિયા પેન્શન માટે 84 રૂપિયા, 3000 રૂપિયા માટે 126 રૂપિયા અને 4000 રૂપિયા માસિક પેન્શન માટે દર મહિને 168 રૂપિયા જમા કરાવવાના રહેશે. 

ટેક્સ બેનિફિટ 
અટલ પેન્શન યોજનામાં રોકાણ કરનાર લોકોને ઈનકમ ટેક્સ એક્ટ 80 C હેઠળ 1.5 લાખ રૂપિયા સુધી ટેક્સ બેનિફિટ મળે છે. તેમાં સબ્સક્રાઈબર્સની ટેક્સેબલ ઈનકમને ઘટાડી દેવામાં આવે છે. આ ઉપરાંત સ્પેશિયલ કેસમાં 50,000 રૂપિયા સુધીનું ટેક્સ બેનિફિટ આપવામાં આવે છે. આ રીતે આ યોજનામાં 2 લાખ રૂપિયા સુધીનું ડિડક્શ મળે છે.