ભારતમાં લોકો ચાના શોખીન છે. રેલવે સ્ટેશનો, બસ ડિપો વગેરે પર કુલડીમાં ચા આપવામાં આવે છે અને તેની માંગ પણ રહે છે. આવામાં તમે કુલડી બનાવવા અને વેચવાનો બિઝનેસ કરી શકો છો. આવો તમને જણાવીએ કે કઈ રીતે આ બિઝનેસ શરૂ કરી શકાય.
તમને જણાવી દઈએ કે સરકાર આ સમયે કુલડીની માંગ વધારવા પર ફોકસ કરી રહી છે. અમુક સમય પહેલા રસ્તા અને પરિવહન મંત્રી નીતિન ગડકરીએ કુલડીને પ્રોત્સાહન આપવા માટે પ્લાસ્ટિક અને કાગળમાં ચા આપવા પર રોક લગાવવાની માંગ કરી હતી.
સરકાર આપી રહી છે પ્રોત્સાહન
તમને જણાવી દઈએ કે મોદી સરકારે કુલડી બિઝનેસને પ્રોત્સાહન આપવા માટે કુમ્હાર સશક્તિકરણ યોજનાને લાગુ કરી છે. આ યોજના હેઠળ કેન્દ્ર સરકાર દેશભરના કુંભારોને વિજળીથી ચાલતા ચાકડા આપી રહી છે. જેથી તે કુલડી સહિત માટીના વાસણો બનાવી શકે. બાદમાં સરકાર કુંભારો પાસેથી આ કુલડીઓને સારી કિંમત આપીને ખરીદી લે છે.
5 હજાર લગાવીને શરૂ કરો બિઝનેસ
હાલના સમયમાં જોતા આ બિઝનેસ ખૂબ જ ઓછી કિંમતમાં શરૂ કરી શકાય છે. તેના માટે તમને થોડી જગ્યાની સાથે સાથે 5000 રૂપિયાની જરૂર રહેશે. ખરીદી ગ્રામોદ્યોગ આયોગના ચેરમેન વિનય કુમાર સક્સેનાએ જાણકારી આપી છે કે આ વર્ષે સરકારે 25 હજાર ઈલેક્ટ્રિક ચાકડાનું વિતરણ કર્યું છે.
કેટલા રૂપિયામાં વેચી શકાય છે કુલડી?
ચાની કુલડી ખૂબ જ સસ્તી હોવાની સાથી સાથે પર્યાવરણ માટે ખૂબ જ સુરક્ષિત હોય છે. હાલના ભાવની વાત કરવામાં આવે તો કુલડીના ભાવ લગભગ 50 રૂપિયાના 100 છે. આ રીતે લસ્સીની કુલડીની કિંમત 150 રૂપિયે 100, દૂધની કુલડીની કિંમત 150 રૂપિયા સો અને પ્યાલી 100 રૂપિયાની સો વેચવામાં આવી રહી છે. માંગ વધવા પર તેનાથી પણ સારા રેટની સંભાવના છે.
થશે સારી બચત
આજના સમયમાં શહેરોમાં કુલડી વાળી ચાની કિંમત 15થી 20 રૂપિયા સુધીની પણ હોય છે. જો બિઝનેસ સારી રીતે ચાલે અને કુલડી વેચવા પર ધ્યાન આપવામાં આવે તો 1 દિવસમાં 1,000 રૂપિયાથી વધારેની બચત કરી શકાય છે.