તમારા કામનું / 21 વર્ષમાં તમારી દીકરી બની જશે લાખપતિ! ફક્ત 416 રૂપિયા બચાવી મેળવો 65 લાખ, જાણો કઈ રીતે

• દીકરીઓ માટે સરકારની મોટી યોજના
• દરરોજ ફક્ત 416 રૂપિયા રોકી મેળવો 65 લાખ 
• દીકરીનું ભવિષ્ય આ રીતે કરો સુરક્ષિત

જો તમે પણ દીકરીના પિતા છો અને ઈચ્છો છો કે તમારી દિકરીનું ભવિષ્ય આર્થિક રીતે સમૃદ્ધ હોવું જોઈએ. તેને ક્યારેય આર્થિક સમસ્યા ન થાય તો તમે પણ સરકારની આ શાનદાર સ્કીમમાં રોકાણ શરૂ કરી શકો છો. જો તમે આ ખાસ સ્કીમમાં રોકાણ કરશો તો તમારી દીકરી 21 વર્ષમાં કરોડપતિ બની જશે. 

તમારે આ સ્કીમમાં વધારે કંઈ કરવાની જરૂર નથી, બસ આ ખાસ સ્કીમ માટે દરરોજ 416 રૂપિયા બચાવવા પડશે. રોજની 416 રૂપિયાની આ બચત પછીથી તમારી દીકરી માટે 65 લાખ રૂપિયા જેટલી મોટી રકમ જમા થઈ જશે.

શું છે સુકન્યા સમૃદ્ધિ યોજના?
સુકન્યા સમૃદ્ધિ યોજના એક એવી લાંબા ગાળાની યોજના છે. જેમાં રોકાણ કરીને તમે તમારી દીકરીના શિક્ષણ અને ભવિષ્ય વિશે નિશ્ચિંત થઈ શકો છો. આ માટે તમારે વધારે પૈસાનું રોકાણ કરવાની પણ જરૂર નથી. પહેલા નક્કી કરો કે જ્યારે તમારી દીકરી 21 વર્ષની થાય ત્યારે તમારે તેના માટે કેટલા પૈસાની જરૂર છે. ચાલો તમને તેની સંપૂર્ણ ગણતરી સમજાવીએ.

દીકરીઓ માટે સરકારની મોટી યોજના
દીકરીઓના ભવિષ્યને સુધારવા માટે સરકારની આ એક લોકપ્રિય યોજના છે. સુકન્યા સમૃદ્ધિ યોજનામાં 10 વર્ષ સુધીની દીકરીનું ખાતું ખોલાવી શકાય છે. આમાં તમે વાર્ષિક ઓછામાં ઓછા 250 રૂપિયા અને વધુમાં વધુ 1.5 લાખ રૂપિયા જમા કરાવી શકો છો. જ્યારે પુત્રી 21 વર્ષની થશે ત્યારે આ યોજના મેચ્યોર થશે. 

જો કે આ યોજનામાં તમારું રોકાણ ઓછામાં ઓછું દીકરી 18 વર્ષની થાય ત્યાં સુધી લૉક કરવામાં આવશે. 18 વર્ષ પછી પણ તે આ સ્કીમમાંથી કુલ રકમના 50% ઉપાડી શકે છે. જેનો ઉપયોગ તે ગ્રેજ્યુએશન અથવા આગળના અભ્યાસ માટે કરી શકે છે. આ પછી તમામ પૈસા ત્યારે જ ઉપાડી શકાશે જ્યારે તે 21 વર્ષની થશે.

ફક્ત 15 વર્ષ માટે જ જમા કરવાના હોય છે પૈસા 
આ સ્કીમની સારી વાત એ છે કે તમારે આખા 21 વર્ષ સુધી પૈસા જમા કરાવવાની જરૂર નથી, ખાતું ખોલાવવાના સમયથી 15 વર્ષ સુધી જ પૈસા જમા કરાવાના રહેશે. જ્યા સુધી દીકરીની ઉંમર 21 વર્ષની ના થઈ જાય ત્યાં સુધી તે પૈસા પર વ્યાજ મળતું રહેશે.

હાલમાં સરકાર આના પર વાર્ષિક 7.6 ટકાના દરે વ્યાજ આપી રહી છે. આ યોજના ઘરની બે દીકરીઓ માટે ખોલી શકાય છે. જો જોડિયા હોય તો 3 દીકરીઓ પણ આ યોજનાનો લાભ લઈ શકે છે. 

રોકાણ માટે કેવી રીતે તૈયારી કરવી
સૌ પ્રથમ તમારે નક્કી કરવું પડશે કે જ્યારે તમારી પુત્રી 21 વર્ષની થાય ત્યારે તમારે તેના માટે કેટલી રકમની જરૂર છે. જેટલી જલ્દી તમે સ્કીમ શરૂ કરશો, તેટલી વધુ રકમ તમને મેચ્યોરિટી પર મળશે એટલે કે દીકરી 21 વર્ષની થશે ત્યારે મળશે. રોકાણનો મંત્ર યોગ્ય સમયની પસંદગી છે.

રોકાણ ક્યારે શરૂ કરવું
જો તમારી દીકરી આજે 10 વર્ષની છે અને તમે આજે જ રોકાણ કરવાનું શરૂ કરો તો તમે માત્ર 11 વર્ષ માટે જ રોકાણ કરી શકશો તેવી જ રીતે જો તમારી 5 વર્ષની દીકરી હોય અને તમે રોકાણ કરવાનું શરૂ કરો તો તમે 16 વર્ષ માટે રોકાણ કરી શકશો. જેથી પાકતી મુદતની રકમ વધશે. 

હવે જો તમારી દીકરી 2022માં આજે 1 વર્ષની થઈ છે અને તમે રોકાણ કરવાનું શરૂ કરો તો તે 2043માં મેચ્યોર થઈ જશે. અને તમે આ યોજનાનો મહત્તમ લાભ મેળવી શકો છો.

416 રૂપિયાની બચતથી આ રીતે 65 લાખ રૂપિયા થશે
1. અહીં આપણે ધારીએ છીએ કે જો તમે 2022માં રોકાણ કરવાનું શરૂ કર્યું. તો તમારી પુત્રીની ઉંમર 1 વર્ષ છે.
2. હવે તમે દરરોજ 416 રૂપિયા બચાવો તો મહિનામાં 12,500 રૂપિયા થયા
3. જો દર મહિને 12,500 રૂપિયા જમા કરવામાં આવે તો વર્ષમાં 15,00,00 રૂપિયા જમા થાય છે.
4. જો તમે આ રોકાણ માત્ર 15 વર્ષ માટે કરો છો, તો કુલ રોકાણ રૂ. 2,250,000 છે.
5. વાર્ષિક 7.6% ના દરે, તમને કુલ વ્યાજ રૂ 4,250,000 રૂપિયા મળશે.
6. 2043માં, જ્યારે પુત્રી 21 વર્ષની થશે ત્યારે યોજના મેચ્યોર થશે, તે સમયે કુલ મેચ્યોરીટીની રકમ રૂ. 6,500,000 હશે.

આ ગણત્રી તમારે ધ્યાનમાં રાખવાની છે. રોજના માત્ર 416 રૂપિયાની બચત કરીને તમે તમારી દીકરીનું ભવિષ્ય બચાવી શકો છો.