આજે અમે તમને એવી સ્કીમ વિશે જણાવી રહ્યાં છે જેમાં રોજના માત્ર 100 રૂપિયા જમા કરીને તમે મેચ્યોરિટી પર 1.15 કરોડ મેળવી શકશો. જાણી લો.
વૃદ્ધાવસ્થા સુરક્ષિત કરવાની બેસ્ટ સ્કીમ
આ સ્કીમમાં વૃદ્ધાવસ્થામાં મંથલી પેન્શન પણ મળશે
મેચ્યોરિટી પર મળશે 1.15 કરોડ રૂપિયા
આ સ્કીમમાં જોડાશો તો 60 વર્ષની ઉંમરે જ્યારે તમે રિટાયર થશો તો તમારા અકાઉન્ટમાં 1 કરોડ 15 લાખ રૂપિયા હશે. તમે એ રકમમાંથી કેટલોક ભાગ એકસાથે કાઢી શકશો, સાથે જ કેટલોક ભાગ તમને મંથલી પેન્શન તરીકે મળતો રહેશે.
નેશનલ પેન્શન સિસ્ટમ એક એવી જ યોજના છે, જેનો ઉદ્દેશ વૃદ્ધાવસ્થાને સુરક્ષિત રાખવાનો છે. તેની શરૂઆત 2004માં સરકારી કર્મચારીઓ માટે કરવામાં આવી હતી, પરંતુ 2009માં તેને સામાન્ય જનતા માટે પણ ખોલી દેવામાં આવી. તેમાં તમને 60 વર્ષની ઉંમર સુધી યોગદાન આપવું પડે છે. પેન્શન ફંડ જ્યારે રિટાયરમેન્ટ પર મેચ્યોર થાય છે, તો કેટલોક ભાગ એકસાથે ઉપાડી શકાય છે. કેટલોક ભાગ તમને મંથલી પેન્શનમાં મળે છે. આ સ્કીમમાં રોજના 100 રૂપિયા જમા કરવાથી 60 વર્ષની ઉંમરે એકસાથે 69 લાખ અને પેન્શન તરીકે દર મહિને 19 હજાર રૂપિયા મળશે.
1.15 કરોડનું કોર્પસ બનશે
NPS ટ્રસ્ટ કેલ્ક્યૂલેટર મુજબ જો Aની ઉંમર 25 વર્ષ છે અને તે દરરોજ 100 રૂપિયા એટલે દર મહિને 3000 રૂપિયા નેશનલ પેન્શન સિસ્ટમમાં જમા કરાવે છે, તો તેનું ભવિષ્ય સુધરી જશે. 100 રોજના હિસાબે તે 35 વર્ષમાં 12 લાખ 60 હજાર રૂપિયા જમા કરશે. જો રિટર્ન ઓન ઇનવેસ્ટમેન્ટ 10 ટકા વાર્ષિક ગણવામાં આવે તો મેચ્યોરિટી પર તે લગભગ કોર્પસ 1 કરોડ 15 લાખ થશે.
40 ટકા પેન્શન કોર્પર્સ માટે રાખવું જરૂરી
માની લો કે A આ કોર્પસનો 40 ટકા પેન્શન માટે રાખે છે, જે મિનિમમ લિમિટ છે. NPS કોર્પસના મેચ્યોર થવા પર મહત્તમ 60 ટકા એકસાથે ઉપાડી શકાય છે. આ પરિસ્થિતિમાં પેન્શન ફંડ અંદાજે 46 લાખ રૂપિયા હશે અને તે એકસાથે અંદાજે 69 લાખ રૂપિયા ઉપાડી શકશે. જો તે તેના પેન્શન ફંડ પર વાર્ષિક 5 ટકા રિટર્નની અપેક્ષા રાખે છે, તો તેને દર મહિને પેન્શન તરીકે અંદાજે 19200 રૂપિયા મળશે.
એવરેજ રિટર્ન 9.65 ટકા
NPSને વિશ્વની શાનદાર પેન્શનલ સ્કીમ તરીકે ગણવામાં આવે છે. ગત 10 વર્ષનો એવરેજ રિટર્ન અંદાજે 9.65 ટકા રહ્યો છે. ટેક્સ સેવિંગની વાત કરીએ તો 80સી હેઠળ 1.5 લાખ સુધી વાર્ષિક ડિડક્શનનો લાભ મળે છે. આ ઉપરાંત 80CCD(1B) હેઠળ 50 હજારનું એડિશનલ ટેક્સ બેનેફિટ મળે છે. આ સ્કીમમાં વાર્ષિક ઓછામાં ઓછા 1000 રૂપિયા જમા કરાવવા પડે છે.