જો તમે 10 વર્ષ માટે પોસ્ટ ઓફિસ આરડી સ્કીમમાં દર મહિને 10 હજાર રૂપિયાનું રોકાણ કરો છો તો 10 વર્ષ પછી તમને 5.8%ના દરે 16 લાખ રૂપિયાથી વધુ મળશે.
10 વર્ષ સુધી કરો રોકાણ
મેળવો 16 લાખ રૂપિયા
જાણો પોસ્ટની આ ધાંસુ સ્કીમ વિશે
કોઈપણ રોકાણ સાથે રિસ્ક ફેક્ટર જોડાયેલું હોય છે. આવી સ્થિતિમાં તમારે એવી જગ્યાએ રોકાણ કરવું જોઈએ જ્યાં તમારા પૈસા સુરક્ષિત હોય અને તમને ઓછા જોખમ સાથે વધુ સારું વળતર મળે.
જો કે ઇક્વિટી માર્કેટમાં જોખમ ઊંચું હોવાથી અન્ય રોકાણ ઉત્પાદનો કરતાં વળતર પણ વધારે છે. પરંતુ દરેક વ્યક્તિમાં જોખમ લેવાની ક્ષમતા હોતી નથી. આવી સ્થિતિમાં જો તમે એવું રોકાણ કરવા માંગો છો કે જ્યાં સારો નફો પણ હોય, તો પોસ્ટ ઓફિસ તમારા માટે વધુ સારી છે.
પોસ્ટ ઓફિસ નાની બચત યોજનાઓ તમારા માટે શ્રેષ્ઠ વિકલ્પ હોઈ શકે છે. આમાં રિસ્ક ફેક્ટર પણ ઓછું છે અને સાથે જ રિટર્ન પણ સારું છે. એવામાં એવા રોકાણ વિશે જાણો જેમાં જોખમ નહિવત હોય અને વળતર પણ સારું હોય. પોસ્ટ ઓફિસ રિકરિંગ ડિપોઝિટ રોકાણ માટે એક સારો રસ્તો છે.
પોસ્ટ ઓફિસ આરડીમાં રોકાણ કેવી રીતે શરૂ કરવું
પોસ્ટ ઓફિસ આરડી ડિપોઝિટ એકાઉન્ટ એ સારા વ્યાજ દર સાથે નાના હપ્તાઓ જમા કરાવવાની સરકારી ગેરેન્ટીવાળી સ્કીમ છે. આમાં તમે માત્ર રૂ. 100 જેટલી નાની રકમથી રોકાણ શરૂ કરી શકો છો. રોકાણની કોઈ મહત્તમ મર્યાદા નથી. તમે તેમાં જોઈએ તેટલા પૈસા મૂકી શકો છો.
પાંચ વર્ષ માટે ખોલવામાં આવે છે ખાતુ
આ યોજના માટે ખાતું પાંચ વર્ષ માટે ખોલવામાં આવે છે. જો કે બેંકો છ મહિના, 1 વર્ષ, 2 વર્ષ, 3 વર્ષ માટે રિકરિંગ ડિપોઝિટ ખાતાની સુવિધા આપે છે. તેમાં જમા કરાયેલા નાણાં પર દર ક્વાર્ટરમાં (વાર્ષિક દરે) વ્યાજની ગણતરી કરવામાં આવે છે અને તે દરેક ક્વાર્ટરના અંતે તમારા ખાતામાં (ચક્રવૃદ્ધિ વ્યાજ સહિત) ઉમેરવામાં આવે છે.
જાણો કેટલું મળશે વ્યાજ
હાલમાં રિકરિંગ ડિપોઝિટ સ્કીમ પર 5.8% વ્યાજ મળી રહ્યું છે. આ નવો દર 1લી એપ્રિલ 2020થી લાગુ થયો છે. ભારત સરકાર દર ક્વાર્ટરમાં તેની તમામ નાની બચત યોજનાઓના વ્યાજ દરો નક્કી કરે છે.
દર મહિને 10 હજાર મુકો તો મળશે 16 લાખ
જો તમે 10 વર્ષ માટે પોસ્ટ ઓફિસ આરડી સ્કીમમાં દર મહિને 10 હજાર રૂપિયાનું રોકાણ કરો છો તો 10 વર્ષ પછી તમને 5.8%ના દરે 16 લાખ રૂપિયાથી વધુ મળશે.
દર મહિને રોકાણ 10,000 રૂપિયા
વ્યાજ 5.8%
મેચ્યોરિટી 10 વર્ષ
10 વર્ષ પછી મેચ્યોરિટી અમાઉન્ટ = રૂ. 16,28,963
RD એકાઉન્ટ વિશે મહત્વની બાબતો
તમારે ખાતામાં નિયમિત રીતે પૈસા જમા કરાવવાના રહેશે. જો તમે પૈસા જમા નહીં કરાવો તો તમારે દર મહિને એક ટકાનો દંડ ભરવો પડશે. 4 હપ્તા ચૂકી ગયા પછી તમારું એકાઉન્ટ બંધ કરી દેવામાં આવશે.
પોસ્ટ ઓફિસ RD પર ટેક્સ
રિકરિંગ ડિપોઝિટમાં રોકાણ પર TDS કપાય છે જો થાપણ રૂ. 40,000 કરતાં વધી જાય તો વાર્ષિક 10%ના દરે ટેક્સ વસૂલવામાં આવે છે. RD પર મળતું વ્યાજ પણ કરપાત્ર છે, પરંતુ મેચ્યોરિટીની સંપૂર્ણ રકમ પર ટેક્સ લાગતો નથી. જે રોકાણકારો ટેક્સેબલ ઈનકમ ધરાવતા નથી તેઓ ફોર્મ 15G ફાઇલ કરીને TDS છૂટનો દાવો કરી શકે છે, જેમ કે FDના કિસ્સામાં થાય છે.