સારા અલી ખાનની ડિમાન્ડ હાલમાં જબરદસ્ત છે. એક ફ્રાન્સિસી બ્રાન્ડે તેને પોતાની બ્રાન્ડ એમ્બેસેડર બનાવી છે. આ બ્રાન્ડ મહિલાઓ માટે એસેસરીઝ બનાવે છે. તાજેતરમાં તેણે આ માટે ફોટોશૂટ પણ કરાવ્યું છે.
સારા કહે છે કે તેને હંમેશાં સિમ્પલ રહેવાનું પસંદ છે અને તેની કોશિશ પણ એ જ હોય છે કે તે એવી બ્રાન્ડ સાથે કામ કરે, જે તેના વિચારો સાથે મેળ ખાતી હોય. પોતાની ફિલ્મોમાં ગ્લેમરસ અદાઓથી જાદુ ચલાવનાર સારાને પર્સનલ લાઇફમાં સિમ્પલ રહેવાનું પસંદ છે. તે કહી ચૂકી છે કે તેને ખુદને નવાબ કહેવડાવવું પસંદ નથી. લોકો વિચારે છે કે હું સ્ટારપુત્રી છું તો ખૂબ મોંઘાં કપડાં પહેરતી હોઇશ, પરંતુ એવું બિલકુલ નથી. હું સ્ટ્રીટ શોપિંગ પસંદ કરું છું.
સારાએ એક વખત કહ્યું હતું કે ૧૦૦૦ રૂપિયાથી વધુ રૂપિયાનું શોપિંગ ક્યારેય કરતી નથી. તેનું બધું શોપિંગ દિલ્હીના બજારમાંથી થાય છે. તે કહે છે કે મને સમજ પડતી નથી કે લોકો કેવી રીતે આટલા વધારે પૈસા કપડાં પાછળ ખર્ચી શકે છે. સોશિયલ મીડિયા પર લોકો કહે છે કે હું કપડાં રિપીટ કરું છું તો હા, તે હું કરું છું, કેમ કે મને કોઇ સ્ટેટસ જોઇતું નથી.
મારી માતાએ સલાહ આપી છે કે જરૂરિયાતમંદને મદદ કરો, ખોટો દેખાડો ન કરો, માત્ર દેખાડા માટે પૈસા ઉડાડવા યોગ્ય નથી. તેના બદલે કોઇ ગરીબનું પેટ ભરો. સારા 'કેદારનાથ' અને 'સિમ્બા'ની સફળતા બાદ તેની આગામી ફિલ્મ 'લવ આજકલ'ને લઇ ચર્ચામાં છે, તેમાં તે કાર્તિક આર્યન સાથે જોવા મળશે. આ ઉપરાંત તે વરુણ ધવન સાથે 'કુલી નં. ૧'માં જોવા મળશે.