સલમાન ખાનની 'ભારત' ૫ જૂને ઇદના દિવસે રિલીઝ થઇ રહી છે. આ ફિલ્મના મુખ્ય પાત્ર કુમુદનો રોલ કેટરીના કૈફે ભજવ્યો છે. એવું કહેવાતું હતું કે આ રોલ માટે સલમાનની પહેલી પસંદ પ્રિયંકા હતી, પરંતુ સલમાને ખુદ હવે એ વાત સ્પષ્ટ કરી છે કે પ્રિયંકાને તેણે કુમુદના રોલ માટે એપ્રોચ કરી હતી.
એક ઇન્ટરવ્યૂ દરમિયાન સલમાને કહ્યું કે પ્રિયંકા આ રોલ માટે ખૂબ જ ઇન્ટરેસ્ટેડ દેખાતી હતી. પ્રિયંકા ૨૦ દિવસ માટે ભારતમાં હતી. તેણે અલીને ફિલ્મ માટે ફોન પણ કર્યો હતો. પછી અચાનક નિક આવી ગયો અને તેણે લગ્નનો પ્લાન બનાવી દીધો.
સલમાન કહે છે કે પ્રિયંકાએ મને જણાવ્યું હતું કે નિકે તેને લગ્ન માટે પ્રપોઝ કર્યું છે. બની શકે કે તારીખને લઇને પ્રોબ્લેમ થાય. તો મેં તેને કહ્યું હતું કે તું લગ્ન કરી લે. અમે બે-ત્રણ દિવસ એડજસ્ટ કરી લઇશું, પરંતુ બાદમાં તેણે ફિલ્મમાંથી અલગ થવાનું નક્કી કર્યું.
પ્રિયંકા એક હાર્ડવર્કિંગ અભિનેત્રી છે. લગ્ન માટે પોતાની કરિયરની એક મોટી ફિલ્મ છોડવા માટે ગટ્સની જરૂર હોય છે, જે તેનામાં છે. સલમાને જણાવ્યું કે પ્રિયંકાને જે ઠીક લાગ્યું તે તેણે કર્યું અને કેટરીનાને તે મળ્યું જે તે ડીઝર્વ કરતી હતી.