મહામારી / વૅક્સિન આવે તે પહેલાં જ ઈન્ટરપોલે આપ્યાં ચોંકાવનારા સમાચાર, જો જો રસી તમને ક્યાંક ખોટી ન અપાઈ જાય

• કોરોના વેક્સિન માટે ધમધમાટ શરૂ
• ઇન્ટરપોલે જાહેર કરી ચેતવણી 
• કહ્યું- ડુપ્લીકેટ વેક્સિનનું પણ થઇ શકે છે વેચાણ

ઉલ્લેખનીય છે કે, ઇન્ટરપોલે ચેતવણી આપી હતી કે, વેક્સિન આવ્યાની સાથે જ ક્રિમિનલ નેટવર્ક પણ ડુપ્લીકેટ વેક્સિનની સાથે લોકોને ઠગવાનું શરૂ કરી શકે છે. આપને જણાવી દઇએ કે, બ્રિટનમાં Pfizer-BioNTechની વેક્સિન આગામી અઠવાડિયાથી ઇમરજન્સી ઉપયોગની મંજૂરી મળી ચૂકી છે. તો ભારતમાં પણ આગામી મહીનામાં વેક્સિન આવવાની આશા વધી છે. 

ઇન્ટરપોલ દ્વારા એક મોટી ચેતવણી જાહેર કરાઇ 

ઇન્ટરપોલ દ્વારા સમગ્ર દુનિયાને ચેતવણી આપવામાં આવી છે. ઇન્ટરપોલને નોટિસ ફટકારી છે કે, "રસીના પગલે વિશ્વવ્યાપી ક્રિમિનલ નેટવર્ક પણ સક્રિય થઈ શકે છે અને બનાવટી કોરોના રસીઓ ઇન્ટરનેટથી ફિઝિકલ સ્તરે વેચી શકે છે."

ફાઇઝરના ઇમરજન્સી ઉપયોગની મંજૂરી મળી

બ્રિટનમાં કોરોના વેક્સિન ફાઇઝરના ઇમરજન્સી ઉપયોગની મંજૂરી મળી ગઇ છે અને આ આગામી અઠવાડિયાથી ઉપલબ્ધ થશે. આ વચ્ચે ભારતમાં પણ ડિસેમ્બરના અંતમાં અથવા જાન્યુઆરીની શરૂઆતમાં દેસી વેક્સિન મળવાની આશા છે.

એઇમ્સના ડાયરેક્ટર રણદીપ ગુલેરિયાએ જણાવ્યું કે, તેમને આશા છે કે, આ મહિનાના અંતથી લઇને આગામી મહિનાની શરૂઆતમાં કોવિડ-19 વેક્સિનના ઇમરજન્સી ઉપયોગની મંજૂરી મળી શકે છે.

ભારતમાં આગામી મહિના સુધીમાં મળી જશે વેક્સિનની મંજૂરી!

ગુલેરિયાએ કહ્યું કે, અમારી પાસે એવી વેક્સિન છે જે ટ્રાયલના અંતિમ સ્ટેજમાં છે. આશા છે કે, ભારતીય નિયામક આના ઇમરજન્સી ઉપયોગને મંજૂરી આપી દેશે. ત્યારબાદ આપણે લોકોને વેક્સિન આપવાની શરૂઆત કરી દેશે. તેમણે કહ્યું, અમારી પાસે આ વાતને સાબિત કરવા માટે વધુ ડેટા છે કે આ વેક્સિન સેફ છે. વેક્સિન સેફ્ટીથી કોઇ સમાધાન નહીં કરવામાં આવે.

જણાવી દઇએ કે, સીરમ ઇન્સ્ટીટ્યૂટ ઓફ ઇન્ડિયાની કોવિશીલ્ડ વેક્સિન પર ચેન્નઇના એક વાલંટિયર સાઇડ ઇફેક્ટનો આરોપ લગાવતા 5 કરોડ રૂપિયાના વળતરની માંગ કરી હતી. જોકે કંપનીએ આનો ઇનકાર કર્યો હતો.