રિપોર્ટ / વિશ્વમાં સૌથી વધુ વખત ભારતે ઇન્ટરનેટ પર પ્રતિબંધ મુક્યો, 2019માં 92 અબજનું નુકસાન

• 2019ના વર્ષમાં જ 103 વખત ઇન્ટરનેટ બંધ કરાયું
• ભારતને લગભગ 1.3 અબજ ડોલરનું નુકસાન
• દુનિયાભરમાં 3 અબજ ડોલરનું નુકસાન 

જમ્મુ-કાશ્મીરમાં ઇન્ટરનેટ પર સૌથી વધુ પ્રતિબંધ 180 વાર મુકવામાં આવ્યો છે. વર્ષ 2018માં ઇન્ટરનેટ પર દેશભરમાં 134 વખત પ્રતિબંધ મૂકવામાં આવ્યો હતો. ઇન્ટરનેટ શટડાઉન મામલે જમ્મુ-કાશ્મીર પછી રાજસ્થાન બીજા ક્રમે છે. 

ભારતને 1.3 અબજ ડોલરનું નુકસાન

રિસર્ચ ફર્મ ટોપ10 વીપીએનના અહેવાલ મુજબ, ઈન્ટરનેટ પરના પ્રતિબંધને કારણે દુનિયાભરમાં 3 અબજ ડોલરનું નુકસાન થયું છે. જ્યારે ભારતને લગભગ 1.3 અબજ ડોલરનું નુકસાન થયું છે. 

વર્ષ 2019માં ભારતમાં 100 વખત ઇન્ટરનેટ બંધ કરાયું

રિપોર્ટમાં કહેવામાં આવ્યું છે કે વર્ષ 2019માં ભારતમાં 100 વખત ઇન્ટરનેટ બંધ કરાયું હતું. આ દરમિયાન 4,196 કલાક ઇન્ટરનેટ બંધ રહ્યું હતું. એકલા કાશ્મીરમાં 1.1 અબજ ડોલર એટલે કે લગભગ 78 હજાર કરોડ રૂપિયાનું નુકસાન થયું છે.

જમ્મુ-કાશ્મીરમાં 51 વખત ઇન્ટરનેટ બંધ કરાયું

કલમ 370 હટાવ્યા બાદ ઓtગસ્ટ 2019થી અત્યાર સુધી જમ્મુ-કાશ્મીર લગભગ 51 વખત ઇન્ટરનેટ બંધ કરાયું છે. સુપ્રીમ કોર્ટે જમ્મુ-કાશ્મીરમાં ઇન્ટરનેટ સહિતના ઘણા નિયંત્રણો વિરુદ્ધ દાખલ અરજી પર પોતાનો ચુકાદો આપ્યો છે. કોર્ટે ચુકાદામાં કહ્યું હતું કે જમ્મુ-કાશ્મીર સરકારે એક સપ્તાહની અંદર તમામ પ્રતિબંધિત આદેશોની સમીક્ષા કરવી જોઈએ. કોર્ટે વહીવટી તંત્રને હોસ્પિટલો, શૈક્ષણિક સંસ્થાઓ જેવી આવશ્યક સેવાઓ પૂરી પાડતી તમામ સંસ્થાઓમાં ઇન્ટરનેટ સેવાઓ ચાલુ કરવા જણાવ્યું હતું.

કેરળ દેશનું પહેલું રાજ્ય બન્યું છે જેણે રોટી, કપડાઅને મકાનની સાથે ઇન્ટરનેટને મૂળભૂત અધિકારોમાં સામેલ કર્યું છે. માર્ચ 2017માં, કેરળ સરકારે તેના બજેટમાં 20 લાખ ગરીબ પરિવારોને વિના મૂલ્યે ઇન્ટરનેટ આપવાનું લક્ષ્ય રાખ્યું હતું.