આર્ટિકલ 370 હટાવ્યા બાદ જમ્મૂ કાશ્મીરમાં ધીરે ધીરે પ્રતિબંધો ખતમ કરવામાં આવી રહ્યા છે. જમ્મૂમાં સ્કૂલ અને કોલેજ પહેલા જ ખુલી ગયા હતા. હવે મોબાઇલ અને ઇન્ટરનેટ સેવા શરૂ કરાઇ છે. જમ્મૂમાં 2જી સ્પીડ સાથે નેટ સેવા અને કાશ્મીરમાં લેન્ડલાઇન સેવા શરૂ કરાઇ છે.
રાજ્યના મુખ્ય સચિવ બી.આર.સુબ્રમણ્યમે રાજ્યમાં જાહેર પ્રતિબંધોમાં ઢીલ આપવાનાં સંકેત શુક્રવારે જ આપી દીધા હતા.
કાશ્મીરમાં 17 લેન્ડલાઇન એક્ચેન્ઝ ચાલૂ
કાશ્મીર ખીણમાં 17 એક્ચેન્ઝમાં લેન્ડલાઇન સેવાઓ શનિવારે શરૂ કરાઇ છે. અધિકારીઓએ બતાવ્યું છે કે 100થી વધારે ટેલીફોન એક્સચેન્ઝમાંથી 17 શરૂ કરી દેવાઇ છે. આ એક્સચેન્જ મોટાભાગે સિવિલ લાઇન્સ, છાવણી ક્ષેત્ર અને શ્રીનગર જિલ્લા એરપોર્ટ પાસે છે. મધ્ય કાશ્મીરમાં બડગામ, સોનમર્ગ અને મનિગમમાં લેન્ડલાઇન સેવાઓ શરૂ કરવામાં આવી છે. ઉત્તર કાશ્મીરમાં ગુરેજ, તંગમાર્ગ, ઉરી કેરન કરનાહ અને તંગધાર વિસ્તારમાં સેવાઓ શરૂ કરાઇ છે.
સોમવારથી ખુલશે પ્રાઇમરી સ્કૂલ : પ્રધાન સચિવ
પ્રધાન સચિવે શનિવારે સવારે મીડિયા સાથેની વાતચીતમાં કહ્યું કે સોમવારથી ખીણની પ્રાઇમરી સ્કૂલ ખુલશે. પરંતુ સીનિયર ક્લાસિસના સ્કૂલ થોડા સમય બાદ ખુલશે. કાશ્મીરમાં સ્થિતિ સામાન્ય છે અને વાહન વ્યવહાર પણ સામાન્ય રીતે થઇ રહ્યો છે. રોહિત કંસલે કહ્યું કે કાશ્મીર ખીણમાં 96માંથી 17 ટેલિફોન એક્સચેન્ઝ ચાલૂ કરી દેવાયા છે. એમણે કહ્યું કે એજન્સીઓના અધિકારી દરેક સ્થિતિ પર નજર બનાવી રહ્યા છે. અને સ્થિતિની સમીક્ષા કરવામાં આવી રહી છે.
કાશ્મીરમાં 5 જિલ્લામાં હજુ પણ પ્રતિબંધ
કાશ્મીરમાં સુરક્ષા કારણોસર 5 જિલ્લામાં હજુ પણ પ્રતિબંધ યથાવત છે. આ ઉપરાંત સીઆરપીએફ, જમ્મૂ કાશ્મીર પોલીસ અને સેનાના જવાનોને સંવેદનશીલ વિસ્તારોમાં તૈનાત કરવામાં આવ્યા છે. એમણે કહ્યું કે પ્રદેશના 22માંથી 12 જિલ્લામાં સ્થિતિ પૂર્ણ રીતે સામાન્ય છે. આ ઉપરાંત પાંચ જિલ્લામાં સુરક્ષાને ધ્યાનમાં લઇને આંશિક રૂપે પ્રતિબંધ લગાવાઇ છે.
ઉધમપુરથી લઇને જમ્મૂ સુધી ઇન્ટરનેટ શરૂ
જમ્મૂ કાશ્મીરના ઉધમપુર, કઠુઆ, સાંબા અને જમ્મૂ શહેરોમાં 2જી ઇન્ટરનેટ સેવાઓ શરૂ કરવામાં આવી છે. શુક્રવારે મુખ્ય સચિવે કહ્યું હતું કે કાશ્મીર અને જમ્મૂ બંને ભાગોમાં સ્થિતિ સામાન્ય છે. અને કોઇપણ પ્રકારની અપ્રિય ઘટનાની બની નથી. પાકિસ્તાનની તરફથી આતંકી હુમલાની આશંકાને કારણે જવાનોને પુર્ણ સાવચેત રહેવા નિર્દેશ આપવામાં આવ્યા છે.