આંતરરાષ્ટ્રીય યોગ દિવસઃ PM મોદીએ દેહરાદૂનમાં 55 હજાર લોકો સાથે કર્યા 'યોગાસન'

નવી દિલ્હીઃ ભારતની ઓળખ ગણાઇ રહેલ 'યોગ'ના પર્વની આજે દુનિયાભારમાં ઉજવણી કરવામાં આવી રહી છે. ચોથા વિશ્વ યોગ દિવસના અવસરે દેશભરમાં અનેક કાર્યક્રમોનું આયોજન કરવામાં આવી રહ્યું છે. પીએમ મોદીએ ખુદ ઉત્તરાખંડના દેહરાદૂનમાં યોગ કર્યા. પીએમ મોદીની સાથે અંદાજિત 55 હજાર લોકો હાજર રહ્યા.

પીએમ મોદી સહિત રાજ્યપાલ ડોક્ટર કે.કે. પોલ મુખ્યમંત્રી ત્રિવેન્દ્ર રાવત કેન્દ્રીય આયુષ મંત્રી અને ઉત્તરાખંડના આયુષ મંત્રી હરક સિંહ રાવત હાજર રહ્યા.

સંબોધન/યોગાભ્યાસઃ

- પીએમ મોદીએ કહ્યું કે આજે વિશ્વનો દરેક દેશ દરેક નાગરિક યોગને અપનાવી રહ્યા છે. આપણે હિન્દુસ્તાનિઓ માટે મોટો સંદેશ છે કે આપણે આ પરંપરાના શ્રીમંત છે. જો આપણે પોતાની સંપત્તિ પર ગર્વ કરવાનું શરૂ કરી દઇશું તો દુનિયા ગર્વ કરવામાં પાછળ નહીં રહે. હિન્દુસ્તાને ખુદને યોગથી જોડ્યા તો દુનિયાને પણ યોગથી જોડી.

- સંબોધન બાદ પીએમ મોદી સાધકો વચ્ચે પહોંચ્યા અને એકવાર ફરી હાથ હલાવીને અભિવાદન કર્યું. ત્યારબાદ મોદીની સાથે હજારો સાધકોએ ત્રણ વાર 'ઓમ'નું ઉચ્ચારણ કર્યું અને યોગાભ્યાસ કાર્યક્રમ શરૂ થયો. પીએમ મોદીની સાથે યોગ કરનારા સાધક ઉત્સાહની સાથ યોગ કર્યો હતો.

- પીએમ મોદી સહિત હજારે સાધકોએ કપાલભાતી અનુલોમ-વિલોમ અને ભ્રામરી પ્રાણાયમ કર્યા.

- ધ્યાન મુદ્રાનો અભ્યાસ કર્યો

- તમામ સાધકોએ નમસ્કાર મુદ્રામાં શાંતિ પાઠ કર્યા તેની સાથે જ આંતરરાષ્ટ્રીય યોગ દિવસના કાર્યક્રમનું સમાપન થયું. ત્યાર બાદ પીએમ મોદીએ યોગ સાધકોની પાસે પહોંચ્યા અને તેમને મળ્યા. બાદમાં અભિવાદન કર્યું હતું. ત્યારબાદ હવે પીએમ જીટીસી હેલીપેડથી હેલીકોપ્ટર દ્વારા જૌલીગ્રાન્ટ એરપોર્ટ પહોંચશે. એરપોર્ટથી તેઓ સીધા દિલ્હી રવાના થઇ જશે.