આજે વિશ્વભરમાં આંતરરાષ્ટ્રિય યોગા દિવસની ઉજવણી કરવામાં આવી રહી છે. આ વર્ષે યોગા દિવસની થીમ યોગ વીથ ધ ફેમિલિ રખાઈ છે. દુનિયામાં કોરોના મહામારી ફેલાઈ છે ત્યારે જીવનનું મૂલ્ય પહેલાંથી પણ વધ્યું છે. આ માટે યોગાસનની મદદથી તમે તમારી ઈમ્યુન સિસ્ટમને મજબૂત કરી શકશો. જાણો કયા સરળ આસનો તમને મદદ કરી શકે છે.
યોગ વીથ ધ ફેમિલિ થીમ સાથે કરો યોગા દિવસની ઉજવણી
5 આસનો કોરોના સામે આપશે રક્ષણ
ઈમ્યુનિટી વધારવામાં મદદ કરશે આ 5 યોગ
સૂર્યનમસ્કાર
આ આસનમાં અનેક આસનનો સમન્વય છે. તે ઈમ્યુનિટી બૂસ્ટરનું કામ સરળતાથી કરે છે. સવારે 3-4 વાર નિયમિત રીતે આ આસન કરવાથી અનેક લાભ મળે છે. સૂર્યનમસ્કાર શ્વસનક્રિયાને સુધારે છે અને ઈમ્યુનિટી વધારે છે.
ભૂજંગાસન
ઈમ્યુનિટી વધારવા માટે ભૂજંગાસન ફાયદાકારક છે, તેને કોબરા પોઝ પણ કહેવાય છે. તે સૂર્યનમસ્કારના આસનનો જ ભાગ છે. તેને નિયમિત રીતે કરવાથી ઈમ્યુનિટી સ્ટ્રોન્ગ રહે છે.
ત્રિકોણાસન
તમે આ આસનની મદદથી ઝડપથી ઈમ્યુનિટી સુધારી શકો છો. આ આસનને ત્રિભુજ મુદ્રા પણ કહેવાય છે. તે પેટની સાથેની તમામ સમસ્યાઓને દૂર કરે છે. પાચન ક્રિયાને સુધઆરે છે અને ઈમ્યુનિટી વધારવામાં કારગર રહે છે.
તાડાસન
ઈમ્યુનિટીને તાડાસનની મદદથી પણ સુધારી શકાય છે. આ આસનને માઉન્ટ પોઝ પણ કહેવાય છે. આ આસનની ખાસિયત છે કે તેને તમે દિવસમાં ગમે ત્યારે કરી શકો છો.
શશાંકાસન
ચિંતાના કારણે પણ વ્યક્તિની ઈમ્યુનિટી સિસ્ટમ પર અસર પડે છે. એવામાં શશાંકાસન ચિંતામુક્ત થવામાં તમારી મદદ કરે છે. આ યોગની મદદથી સ્ટ્રેસ લેવલ ઘટે છે અને સાથે જ ઈમ્યુનિટી સિસ્ટમ પણ સુધરે છે.