દેશભરમાં વિશ્વ યોગ દિવસની ઉજવણી કરવામાં આવી રહી છે. ત્યારે રાજ્યકક્ષાની ઉજવણી અમદાવાદમાં કરવામાં આવી હતી. અમદાવાદના સરદાર પટેલ સ્ટેડિયમમાં રાજ્યકક્ષાની ઉજવણી કરવામાં આવી. આ દરમિયાન મુખ્યમંત્રી વિજય રૂપાણી હાજર રહ્યા હતા.
જ્યારે બીજી તરફ ગાંધીનગરમાં ગૃહરાજ્યમંત્રીએ પણ યોગ કર્યા હતા. ગાંધીનગરના સેન્ટ્રલ વિસ્ટા ગાર્ડનમાં પ્રદીપસિંહ જાડેજા, કલેક્ટર અને મેયરે યોગા કર્યા હતા. આ ઉપરાંત વિવિધ વિભાગના સચિવ અને રેન્જ આઇજી સહિત મોટી સંખ્યામાં લોકો યોગ કાર્યક્રમમાં જોડાયા હતા.તો બીજી તરફ ભુજમાં વાસણ આહીરે યોગ કરીને દિવસની ઉજવણી કરી.
આ દરમિયાન રાજ્યમંત્રી, સાંસદ અને ધારાસભ્યો જોડાયા હતા. આ ઉપરાંત વડોદરામાં પણ યોગ દિવસની ઉજવણી કરવામાં આવી. શહેરના સમા સ્પોર્ટસ કોમ્પ્લેક્ષમાં વિધાનસભા અધ્યક્ષ રાજેન્દ્ર ત્રિવેદીએ યોગ કર્યા હતા.
જેમા શહેરના રાજકીય આગેવાનો અને અધિકારીઓ જોડાયા હતા. આ તરફ રાજકોટમાં વિશ્વ યોગ દિવસની ઉજવણી કરવામાં આવી. શહેરના રેસકોર્સ ગ્રાઉન્ડમાં વિશ્વ યોગ દિવસની ઉજવણી કરવામાં આવી. જેમાં રાજ્યના કેબિનેટ મંત્રી જયેશ રાદડિયાએ પણ યોગ કર્યા.તેમની સાથે મોટી સંખ્યામાં લોકોએ યોગ કર્યા હતા.
રાજ્યના દરેક જિલ્લાઓમાં અલગ અલગ મંત્રીઓની ઉપસ્થિતિમાં કાર્યક્રમ
અમદાવાદમાં CM રૂપાણીએ સરદાર સ્ટેડિયમ ખાતે યોગ કર્યાં
પ્રદિપસિંહ જાડેજાએ ગાંધીનગરમાં યોગ દિવસની ઉજવણી કરી