અમેરિકા / તો શું ભારતવંશી કમલા હેરિસ બનશે અમેરિકાની રાષ્ટ્રપતિ? બાયડનનું નિવેદન બન્યું ચર્ચાસ્પદ

અમેરિકી રાષ્ટ્રપતિ જો બાયડને શુક્રવારે કહ્યું કે ઉપરાષ્ટ્રપતિ કમલા હેરિસ દેશનું નેતૃત્વ કરવા માટે લાયક છે. બાયડને કહ્યું, શરૂઆતથી જ મને કોઈ શંકા નથી કે તે રાષ્ટ્રપતિ બનવા માટે લાયક નથી, તેથી જ મેં તેમને પસંદ કર્યા. જ્યારે તેમને આ નિવેદનના કારણો વિશે પૂછવામાં આવ્યું ત્યારે તેમણે કહ્યું કે સૌથી પહેલા તેમણે જે રીતે મહિલા સ્વતંત્રતાના મુદ્દાને હેન્ડલ કર્યો અને બીજું, લગભગ કોઈપણ મુદ્દાને હેન્ડલ કરવાની તેમની તેજસ્વી ક્ષમતા આનું કારણ છે. બાયડને કહ્યું કે જ્યાં સુધી મને નથી લાગતું કે તેઓ રાષ્ટ્રપતિ બનવા માટે લાયક છે, મે તેમને ચૂંટ્યા ન હોત. હેરિસ (59) વર્ષ 2020 માં યુએસ વાઇસ પ્રેસિડેન્ટ તરીકે ચૂંટાયેલી પ્રથમ મહિલા, પ્રથમ બ્લેક અમેરિકન અને પ્રથમ સાઉથ એશિયન અમેરિકન છે.

રાષ્ટ્રપતિ પદની રેસમાંથી ખસી જવાની માંગ

ગયા મહિને રિપબ્લિકન હરીફ ડોનાલ્ડ ટ્રમ્પ સાથેની ટીવી ડિબેટમાં નિષ્ફળ ગયા પછી નવેમ્બરમાં 81 વર્ષીય બાયડને રાષ્ટ્રપતિ પદની રેસમાંથી હતી જવું જોઈએ એવી માંગ ઉઠી રહી છે. આ પૃષ્ઠભૂમિમાં જ તેણે હેરિસ વિશે સંબંધિત ટિપ્પણીઓ કરી છે. પ્રેસ કોન્ફરન્સ દરમિયાન, બાયડનની જીભ લપસી ગઈ અને ભૂલથી કમલા હેરિસને પૂર્વ રાષ્ટ્રપતિ ટ્રમ્પ કહી દીધા. તેમણે કહ્યું કે મેં ઉપરાષ્ટ્રપતિ પદ માટે ટ્રમ્પની પસંદગી ન કરી હોત, જો મેં વિચાર્યું હોત કે તેઓ (હેરિસ) રાષ્ટ્રપતિ બનવા માટે લાયક નથી.

બાયડન અમેરિકાના સૌથી વૃદ્ધ રાષ્ટ્રપતિ છે. તેમણે કહ્યું કે હું ચૂંટણી લડવા માટે પ્રતિબદ્ધ છું. મને લાગે છે કે હું રાષ્ટ્રપતિ માટે ચૂંટણી લડવા માટે સૌથી લાયક વ્યક્તિ છું. મેં ટ્રમ્પને એકવાર હરાવ્યા હતા અને હવે હું તેમને ફરીથી હરાવીશ.

આ પણ વાંચો: નેપાળમાં 'પ્રચંડ' સરકારનું પતન, સંસદમાં વિશ્વાસ મત ગુમાવ્યો, વડાપ્રધાન પદ પરથી આપ્યું રાજીનામું

રાષ્ટ્રપતિની ચૂંટણીની દાવેદારી

અમેરિકી રાષ્ટ્રપતિએ કહ્યું કે આ ઉપરાંત, એ વિચાર કે રાષ્ટ્રપતિ પદની દાવેદારીની રેસમાં સામેલ સેનેટરો અને કોંગ્રેસમેન ટિકિટને લઈને ચિંતિત છે તે વિચાર અસામાન્ય નથી અને હું કહેવા માંગુ છું કે રાષ્ટ્રપતિની ચૂંટણીની દાવેદારીની રેસમાં ઓછામાં ઓછા પાંચ રાષ્ટ્રપતિ એવા હતા જેની લોકપ્રિયતાનું સ્તર મારી વર્તમાન લોકપ્રિયતા કરતા ઓછું હતું. બાયડને કહ્યું કે એટલે આ અભિયાનમાં હજુ ઘણી લાંબી મજલ કાપવાની છે અને તેથી હું આગળ વધતો રહીશ, આગળ વધતો રહીશ.