જીડીપી / IMFએ ભારતનો ગ્રોથ રેટ અનુમાન 0.3 ટકા ઘટાડ્યો, 2019માં 7 ટકા રહેશે

વોશિંગ્ટન સ્થિત નાણાકીય સંસ્થાએ એમ પણ જણાવ્યું છે કે ભારત દુનિયાની સૌથી તેજીથી આગળ વધી રહેલી અર્થવ્યવસ્થા બની રહેશે અને તે ચીનથી ઘણી આગળ રહેશે. આઇએમએફ (IMF) કહ્યું કે એમણે બંને વર્ષ માટે ભારતના વૃદ્ધિદરમાં 0.3-0.3 ટકાનો ઘટાડો કર્યો છે.

આઇએમએફે પોતાના ગ્લોબલ ઇકોનોમિક સિનેરિયો (વિશ્વ આર્થિક પરિદ્રશ્ય) 'અપડેટ'માં કહ્યું છે કે ભારતીય અર્થવ્યવસ્થાનો વૃદ્ધિદર 2019માં 7 ટકા રહેશે અને 2020માં થોડોક વધીને 7.2 ટકાએ પહોંચશે. 

આઇએમએફે કહ્યું કે ચીનમાં કમજોર માંગને કારણે પહેલાથી જ સુસ્ત અર્થવ્યવસ્થા પર પ્રેશર રહેશે. ખર્ચ પર વધુ પડતી નિર્ભરતાને ઓછી કરવા માટે ચીનને મજબૂત નિયમ અને કાયદાની જરૂર છે. આંતરરાષ્ટ્રીય નાણાભંડોળે કહ્યું કે ચીનનો વૃદ્ધિદર 2019માં 6.2 ટકા અને 2020માં 6 ટકા રહેવાનો અનુમાન છે. 

રિપોર્ટ જાહેર કરતા આઇએમએફની ભારતીય મૂળની અર્થશાસ્ત્રી ગીતા ગોપીનાથને કહ્યું કે 2019 માટે વૈશ્વિક વૃદ્ધિદરના અનુમાનને ઘટાડીને 3.2 ટકા કરવામાં આવ્યો છે. 2020માં તેને ઘટાડીને 3.5 ટકા કરવામાં આવી રહ્યો છે. ગોપીનાથે કહ્યું છે કે તેમા એપ્રિલના અનુમાનથી બે વર્ષ માટે 0.1 ટકાનો ઘટાડો છે.