સુરત ના ઇન્ડોર સ્ટેડિયમ ખાતે છેલ્લા ત્રણ દિવસ માટે ઇન્ટરનેશનલ કુડો ટુર્નામેન્ટ આયોજન કરવામાં આવ્યું છે.જ્યાં આજ રોજ મોસ્ટ આયર્ન રોડસ ઇન વન મિનિટ અને મોસ્ટ લેયર્ડ ઓફ નેલ્સ સેન્ડવીચ ની ઇવેન્ટ યોજાઈ હતી. બંને ઇવેન્ટ માં ખાસ વિસપી ખરાડીએ બે અનોખા વર્લ્ડ રેકોર્ડ કર્યા હતા.
90 ડીગ્રી સુધી બેન્ડ કરી ઇન્ડિયા બુક ઓફ રેકોર્ડમાં સ્થાન પ્રાપ્ત કર્યું
કુડો ઈવેન્ટ નિહાળવા લોકોના ટોળા ઉમટ્યા
ઇવેન્ટ માં ફિલ્મ આજે અભિનેતા અક્ષય કુમાર હાજર રહેશે
રશિયાએ અગાઉ મોસ્ટ આયર્ન રોડસ લેન્ડ ઇન વન મિનિટ નો રેકોર્ડ કર્યો હતો ,તે સુરતના વિસપી ખરાડી અને તેની ટીમે તોડી વર્લ્ડ બુક ઓફ રેકોર્ડ માં સ્થાન મેળવ્યું હતું. આ સિવાય મોસ્ટ લેયર્ડ ઓફ લેન્સ સેન્ડવીચ નો અગાઉ આઠ લેયર્ડ નો પોતે કરેલ રેકોર્ડ પણ તોડી નાખ્યો હતો.
બે અનોખા રેકોર્ડ કર્યા પોતાના નામે
સુરત ના ઇન્ડોર સ્ટેડિયમ ખાતે છેલ્લા ત્રણ દિવસ ઇન્ટરનેશનલ કુડો ટુર્નામેન્ટ યોજાઈ રહી છે. આજ રોજ બીજા દિવસે આ ટુર્નામેન્ટ ની ઇવેન્ટ માં બે અનોખા વર્લ્ડ રેકોર્ડ બનાવવામાં આવ્યા છે. જેમાં સુરત ના વિસપી ખરાડી અને તેમની ટીમે ખુબ મહેનતથી આ રેકોર્ડ બનાવ્યા છે.
પોતાના શરીર ઉપર રાખ્યુ લેયર્ડ
ઇન્ડોર સ્ટેડિયમ ખાતે યોજાયેલ પ્રથમ મોસ્ટ લેયર્ડ ઓફ સેન્ડવીચ ઇવેન્ટ માં કુલ આઠ લેયર્ડ ખીલા પર બનાવવામાં આવ્યા હતા. જે દસ સેકન્ડ સુધી એકધારું સ્ટેન્ડ બાય રાખવાનું હતું. જે વિસપી ખરાડી અને તેની ટીમે દસ સેકન્ડ થી પણ વધુ સમય સુધી એકધારું આ લેયર્ડ અડીખમ રીતે પોતાના શરીર પર ઉભું રાખી વર્લ્ડ બુક ઓફ રેકોર્ડ માં સ્થાન પ્રાપ્ત કર્યું હતું.
પોતાનો જ અગાઉનો રેકોર્ડ બ્રેક કર્યો
વર્ષ 2017 માં વિસપી ખરાડીએ આઠ લેયર્ડ નો રેકોર્ડ તોડ્યો હતો. જે આ વખતે નવ લેયર્ડનો સેન્ડવીચ બનાવી રેકોર્ડબ્રેક કર્યો છે. 23મી ઓક્ટોબર 2019ના રોજ આ વિશ્વ વિક્રમ બનાવી વૈશ્વીક લેવલે પોતાનું નામ નોંધાવ્યુ છે.
90 ડીગ્રી સુધી બેન્ડ કરી ઇન્ડિયા બુક ઓફ રેકોર્ડમાં સ્થાન પ્રાપ્ત કર્યું
બીજી ઇવેન્ટ માં મોસ્ટ આયર્ન રોડસ બેન્ડ માં પણ ઇન્ડિયા રેકોર્ડમાં સ્થાન મેળવ્યું હતું. આ ઇવેન્ટ માં એક મિનિટ માં 21 જેટલા રોડઝ 90 ડીગ્રી સુધી બેન્ડ કરવાના હતા. જે વિસપી ખરાડી એ એક મિનિટ ની અંદર જ આ તમામ રોડઝ 90 ડીગ્રી સુધી બેન્ડ કરી ઇન્ડિયા બુક ઓફ રેકોર્ડમાં સ્થાન પ્રાપ્ત કર્યું હતું.
કુડો ઈવેન્ટ નિહાળવા લોકોના ટોળા ઉમટ્યા
ઇવેન્ટ ને નિહાળવા લોકો મોટી સંખ્યામાં હાજર રહ્યા હતા. અત્રે ઉલ્લેખનીય છે કે આજે આ કુડો ઇવેન્ટ માં ફિલ્મ અભિનેતા અક્ષય કુમાર હાજર રહેવાના છે. જ્યાં ત્રણ દિવસ ચાલેલી ટુર્નામેન્ટ સારું પરફોર્મન્સ બતાવનાર વિજેતાઓને ઇનામ આપી પ્રોત્સાહિટ કરવાના છે.